म्याड्रिड (एजेन्सी) – मालागासँगको जितमा सुरुवाती गोल गर्दै क्रिस्टियानो रोनाल्डोले म्याड्रिडलाई उपाधी जित्न मद्दत गर्दा सँगसँगै उनले आफ्नो व्यक्तिगत नाममा अर्को किर्तीमान खडा गरेका छन् ।
खेलको दोस्रो मिनेटमा गोल गर्दै रियल म्याड्रिडकालागि जारी सिजनको ४०औं गोल गरेका रोनाल्डोले म्याड्रिडको इतिहासमा लगातार ७ सिजनमा ४० भन्दामाथि गोल गर्ने पहिलो खेलाडी बनेका छन् ।
म्याड्रिडमा आठौँ सिजन बिताउदै गरेका ३२ वर्षिय रोनाल्डोले पहिलो सिजन बाहेक अन्य सबैमा ४० भन्दा धेरै गोल गरेका छन् । पहिलो सिजनमा ३५ खेलमा ३३ गोल गरेयता रोनाल्डोले हरेक सिजनमा ४० भन्दा धेरै गोल गरेका छन् ।
२००९/२०१० – ३५ खेलमा ३३ गोल
२०१०/२०११ – ५४ खेलमा ५३ गोल
२०११/२०१२ – ५५ खेलमा ६० गोल
२०१२/२०१३ – ५५ खेलमा ५५ गोल
२०१३/२०१४ – ४७ खेलमा ५१ गोल
२०१४/२०१५ – ५४ खेलमा ६१ गोल
२०१५/२०१६ – ४८ खेलमा ५१ गोल
२०१६/२०१७ – ४५ खेलमा ४० गोल
