सबाह (एजेन्सी) – मलेसिया र नेपालको राष्ट्रिय महिला टोलीका बिच आज भएको अन्तराष्ट्रिय मैत्रीपूर्ण खेलमा नेपाल ४-१ले पराजित भएको छ। पहिलो खेलमा १-१को बराबरी खेलेको नेपालले दुवै हाफमा २/२ गोल खाएको थियो भने दोश्रो हाफको अन्तिम समयमा सान्त्वना गोल फर्काएको थियो।
nepal vs malaysia second friendly
खेलको सुरुआती समयमै सम्हालिन नसक्दा नेपालले दोश्रो मिनेटमा गोल खाँदै खेलमा पछि परेको थियो। मलेसियाका लागि सेराईलिन एलि पियुसले गोल गर्दै आग्रता दिलाएकी थिइन्। खेलको ४२औ मिनेटमा नुराथिरहले गोल गर्दै मलेसियाको आग्रता दोब्बर परेकी थिइन्।
पहिलो हाफमा दबावमा परेको नेपाली टोलीले दोस्रो हाफमा पनि राम्रो सुरुआत गर्न सकेन। दोस्रो हाफको ९औ मिनेटमा सेराईलिनले व्यक्तिगत दोस्रो गोल गर्दै मलेसियालाई ३-०को अग्रता दिलाएकी थिइन्। खेलको ८२औं मिनेटमा कप्तान सजना रानाले गोल गर्दै खेललाई ३-१को अवस्थामा ल्याएकी थिईन। तर त्यसको ५ मिनेट पछि नै नोरालिसाले गोल गर्दै मलेसियालाई फेरी ३ गोलले अगाडी बढाइन।
दुइ खेलको शृंखलामा १ जित र १ हार व्येहोरेको नेपाल भोलि स्वदेश फिर्ता हुँदैछ।
