स्पेन (एजेन्सी) – बार्सिलोनाका स्टार फरवार्ड एवं अर्जेन्टिनाको राष्ट्रिय फुटबल टोलीका कप्तान लियोनेल मेस्सीलाई कर छलीको अभियोगमा स्पेनको सर्वोच्च अदालतले २१ महिना जेल सजाय र करिब २ मिलियन युरो जरिवाना सुनाएको छ।
सन् २००७ देखि २००९को बिचमा मेस्स्सीले ३ पटक कर छलेको आरोप उनीमाथि लाग्दै आएको थियो। विभिन्न देशका कम्पनि मार्फत कुल साढे तिन मिलियन पाउण्ड बराबरको कर छलेको आरोप र करिब ९ मिलियन पाउण्ड बराबरको कमाइ उनले लुकाएका थिए।
स्पेनिस कानुनका अनुसार २ वर्ष भन्दा कमको जेल सजाय जेल परिवीक्षाधीन अवधीका रुपमा काट्न पाइने प्रावधान रहेको छ। त्यसैकारणले मेस्सीले जेल सजाय काट्नु नपर्ने तर जरिवाना भने तिर्नुपर्ने हुनेछ।
मेस्सीसँगै उनका पिता जोर्गेलाई पनि २१ महिना जेल सजाय सुनाइएको भएपनि त्यसलाई भने १५ महिनामा झारिएको छ। उनका पिताले पनि जेल सजाय काट्नु पर्नेछैन।
