एजेन्सी – इङ्गल्याण्ड राष्ट्रिय फुटबल टोलीका नियमित कप्तान एवं सर्वाधिक गोलकर्ता वायन रुनी आगामी महिना हुने विश्वकप छनोटको लागि घोषणा गरिएको टोलीबाट बाहिरिएका छन्। इङ्गल्याण्डले अर्को महिना फ्रान्ससँग मैत्रीपूर्ण खेल र रसियासँग विश्वकप छनोटको खेल खेल्दैछ।

३१ वर्षीय फरवार्ड रुनी हाल म्यानचेस्टर युनाइटेडको नियमित खेलाडी नरहेकाले उनले टोलीमा स्थान बनाउन नसकेको प्रशिक्षक ग्यारेथ साउथगेटले बताएका छन्। रुनीले हालसम्म इङ्गल्याण्डका लागि ११९ खेल खेल्दै ५३ गोल गरिसकेका छन्।

उनको अनुपस्थितिमा प्रशिक्षक साउथगेटले ४ फरवार्डलाई टोलीमा समेटेका छन्। टोटेनहमका ह्यारी केन र लेस्टरका जेमी भार्डीसँगै युनाइटेडका मार्कस र्यास्फर्ड र सन्डरल्याण्डका जर्मेन डेफो टोलीमा अटाएका छन्।

पूर्ण टोली:

गोलरक्षक: ज्याक बटल्याण्ड, जो हार्ट, फ्रेजर फ्रोस्टर, टम हिटन

डिफेन्डर: रायन बर्टर्यान्ड, ग्यारी केहिल, नाथानीएल क्लाइन, आरोन क्रेस्वेल, बेन गिब्सन, फिल जोन्स, क्रिस स्मलीङ, जोन स्टोन्स, कीरन ट्रीपिएर, काइल वाल्कर

मिडफिल्डर: एरिक डायर, एडम लाल्लाना, जेक लिभरमोर, डेले अलि, जेसे लिङगार्ड, अलेक्स अक्स्लेड चेम्बरलिन, रहिम स्टरलिङ

फरवार्ड: ह्यारी केन, जेमी भार्डी, मार्कस र्यास्फर्ड, जर्मेन डेफ