एजेन्सी – कोपा डेल रे को फाइनल जिते लगतै बार्सिलोनाले रियल म्याड्रिडसँग यसै सिजनको सुरुवातमा तिन खेल खेल्ने पक्का भएको छ ।
मायमीको अन्तर्राष्ट्रिय च्याम्पियन्स कप अन्तर्गतको मैत्रीपुर्ण खेलमा जुन २९ मा आमने सामने हुने भएका यी दुइ क्लब बार्सिलोनाले कोपा डेल रे जिते लगतै स्पेनिस सुपर कोपामा थप दुइ पटक भेट्ने पक्का भएको हो । दुइ लेगमा हुने सुपरकोपामा एल क्लासिकोको मजा समर्थकहरुले लिन सक्नेछन् ।
अघिल्लो पटक बार्सिलोना र रियल म्याड्रिड सुपर कपमा आमने सामने हुदा रियलले उपाधि अवे गोलको आधारमा जितेको थियो । बार्सिलोनाको घरेलु मैदानमा ३-२ ले पछि परेको रियलले आफ्नो घरेलु मैदानमा २-१ ले बिजयी हुदै सुपरकोपा आफ्नो नाम गरेको थियो ।
रियल लिग विजेताको हैसियतले सुपरकोपा खेल्दैछ भने बार्सिलोना कोपा डेल रेको विजेताको रुपमा यस खेलमा सहभागी हुनेछ।
