काठमाडौँ (हाम्रो खेलकुद) – अखिल नेपाल फुटबल संघले आगामी जेठ ३० गते यमन विरुद्ध हुने एसियन कप २०१९ अन्तर्गतको छनोट खेलका लागि ७०० प्रति टिकट मात्र बेच्ने जनाएको छ।
एन्फा अध्यक्ष नरेन्द्र श्रेष्ठ
नेपालले यमन विरुद्धको खेल हल्चोकस्थित सशस्त्र प्रहरी बलको घाँसे मैदानमा खेल्ने कार्यक्रम रहेको छ। नेपाललाई आफ्नो खेल नेपालबाहिर खेल्न दबाव आएपनि एन्फाले कम दर्शक राखेरै भएपनि खेल नेपालमै खेल्ने निर्णय लिएको एन्फा अध्यक्ष नरेन्द्र श्रेष्ठले बताए।
एएफसीले आयोजना गर्ने खेलमा अस्थायी प्याराफिट राख्न नपाइने हुनाले कम दर्शक क्षमतामै चित्त बुझाउनुपर्ने भएको अध्यक्ष श्रेष्ठले बताए।
खेलको प्रत्यक्ष प्रसारण एपीवान एचडी टेलिभिजनबाट हुनेछ।
