काठमाडौँ (हाम्रो खेलकुद) – अखिल नेपाल फुटबल संघको कार्यक्रम अुनसार पाल्पा र स्याङ्गजा जिल्ला फुटबल संघको समन्वयमा संचालन भईरहेको एन्फा महिला लिग च्याम्पियनसीप फुटबल प्रतियोगिता २०७४ अन्तर्गत  पाल्पामा आज भएको पहिलो खेलमा दाङ्ग महिला फुटबल टिमले महोत्तरी महिला फुटबल टिमलाई ३–१ गोलले पराजित गरेको छ । दाङ्गका लागि बसन्ती बराल मगरले २१, २६ र ३९ औं मिनेटमा तथा महोत्तरीका लागि झरना रानाले ५२ औं मिनेटमा गोल गरेका थिए ।

दोश्रो खेलमा काठमाण्डौ महिला फुटबल टिमले कन्चनपुर महिला फुटबल टिमलाई ४–० गोलले पराजित गरेको छ । काठमाण्डौका लागि प्रिति राईले २४ र ४७, रिना गुभाजुले ११ तथा मुना तामाङ्गले १४ औं मिनेटमा गोल गरेका थिए ।

तेश्रो खेलमा मकनापुर महिला फुटबल टिम र भोजपुर महिला फुटबल टिम बिच गोलरहित बराबरीमा समाप्त भएको छ ।

त्यस्तै आजै भएको स्याङजा तर्फको पहिलो खेलमा धनकुटा महिला फुटबल टिमले पाचथर महिला फुटबल टिम लाई १–० गोलले पराजित गरेको छ । धनकुटाका लागि तिर्था लिम्बुले २८ औं मिनेटमा गोल गरेकी थिईन् ।

दोश्रो खेलमा सुनसरी महिला फुटबल टिम र सर्लाही महिला फुटबल टिम बिच १–१ गोलको बराबरीमा समाप्त भएको छ । सुनसरीका लागि रेखा पौडेलले १० मिनेटमा तथा सर्लाहीका लागि रबिना गोलेले १२ औं मिनेटमा गोल गरेका थिए ।

तेश्रो खेलमा रौतहट महिला फुटबल टिमले स्याङजा महिला फुटबल टिमलाई ६–० गोलले पराजित गरेको छ । रौतहटका लागि रश्मि घिसिङ्गले २६, ३२, ४६ र ६४ औं मिनेटमा, निशा थोकरले २१ तथा रजनी थोकरले ६१ औं मिनेटमा गोल गरेका थिए ।