सबिन शेर्मा
झापा – झापा ७ सरनामती हल्दिबारी गाँउपालिका गोल्ड कपको सेमिफाइनलमा पुगेको छ । झापाकै मुनाल फुटबल क्लबलाई टाइब्रेकरमा ५–४ ले हराउँदै सरनामती अन्तिम चारमा पुगेको हो ।
यी दुई टोलीबीचको खेलको निर्धारित समय २–२ को बराबरीमा टुंगिएको थियो । मुनाका लागि कर्ण लिम्बुले दुई गोल गरे भने सरनमतीका लागि सानुका साम्बाले दुई गोल नै गरे । म्यान अफ दी म्याच घोषित मुनालका कर्णले २ हजार रुपैयाँ प्राप्त गरे ।
जलथल एफसीको आयोजनामा जारी प्रतियोगिताको विजेताले १ लाख १ हजार १ सय ११ रुपैयाँ प्राप्त गर्नेछ । जेठ २३ गते सम्म चल्ने प्रतियोगिताको दोस्रो टोलीले ५१ हजार १ सय ११ रुपैयाँ पाउनेछ ।
त्यस्तै प्रतियोगिताको सर्वोत्कृष्ट खेलाडीले ६ हजार तथा उत्कृष्ट गोलकिपर, रक्षक, मिडफिल्ड, फरवार्ड र प्रशिक्षकले समान ४ हजार रुपैयाँ पाउनेछन् । प्रतियोगितामा आज अन्तिम क्वार्टरफाइनलमा विर्तामोड युनाइटेड र पथरी स्पोर्टिङ क्लब मोरङबीच प्रतिस्पर्धा हुनेछ ।
