दशैं बिदा सकिएपछि प्याट्रिक ओजेम्सको प्रशिक्षकत्वमा राष्ट्रिय टोलीको प्रशिक्षण पुन: सुचारु भएको छ ।
लिग सकिएलगत्तै बोलाइएको ३९ खेलाडीमध्य आज भएको प्रशिक्षणमा ३५ खेलाडी उपस्थित भएका थिए । चोटका कारण चार खेलाडी उपस्थित भएका थिएनन् भने उपस्थित मध्य दुई खेलाडीले चोटका कारण प्रशिक्षण गरेनन्।
दशैंअघि पनि दुई दिन प्रशिक्षण गरेको टोलीले अस्तिदेखि प्रशिक्षण सुरु गरेको थियो । दशैंको बेलामा फ्रान्स फर्किएका ओजेम्स बिहिबार नेपाल फर्केका थिए । बेल्जिएन प्रशिक्षक ओजेम्सले भोलिबाट दैनिक प्रशिक्षण हुने र केहि दिन दिनको दुई पटक सम्म प्रशिक्षण हुने जानकारी दिएका थिए ।
नेपाल आगामी पौषदेखि सुरु हुने साफ च्याम्पिएनसिपको ग्रुप ‘ए’ अन्तर्गत आयोजक भारत, पाकिस्तान र श्रीलंकासंग भिड्नेछ । नेपाल र श्रीलंका दोश्रो साफपछि पहिलोपटक भिड्दैछन् भने भारत र पाकिस्तान अघिल्लो संस्करणमा पनि नेपालकै समुहमा परेका थिए ।
नेपालले विमल घर्ती मगरको गोलको मद्दतले पाकिस्तानलाई १-१को बराबरीमा रोकेको थियो भने भारतविरुद्ध २-१को जित दर्ता गरेको थियो । सो खेलमा नेपालका लागि जुमानु राई र अनिल गुरुङले गोल गरेका थिए ।
पूर्ण टोलि:
गोलकिपर: किरण चेम्जोङ्ग, विकेश कुथु, विशाल श्रेष्ठ, अमृत चौधरी
डिफेन्डर: रञ्जित धिमाल, रबिन श्रेष्ठ, अमित तामांग, देवेन्द्र तामांग, जितेन्द्र कार्की, रमेश दंगाल, अनन्त तामांग, आदित्य चौधरी, युद्ध शाही, बिराज महर्जन, अजित भण्डारी, दिनेश राजबंशी
मिडफिल्डर: जगजित श्रेष्ठ, सुजल श्रेष्ठ, बिश्वाश श्रेष्ठ, रोहित चन्द, हेमन गुरुङ, राजेन्द्र रावल, शिव श्रेष्ठ, विक्रम लामा, बिशाल राई, योगेश गुरुङ, दिपक राई, विजय गुरुङ, टंक बस्नेत, टेक बहादुर बुढाथोकी
फरवार्ड: बिनोद कार्की, अन्जन बिष्ट, नवयुग श्रेष्ठ, रन्जन बिष्ट, अनिल गुरुङ, बिमल घर्ति मगर, कर्ण लिम्बु, भरत खवास, दिपक राइ
