काठमाडौं (हाम्रो खेलकुद)– साउदी अरबमा रहेका नेपालीहरुले स्थापना गरेका दुई क्लबको संयुक्त आयोजनामा जुन २७ गते न्यू अन्नपूर्ण एवंम् नेपाली ब्वाइज गोल्ड कप फुटबल प्रतियोगिता आयोजना हुने भएको छ ।
अन्नपूर्ण स्पोर्टस् क्लब र नेपाली ब्वाइज युथ क्लबको संयुक्त आयोजनामा हुने प्रतियोगिताको विजेता टोलीले १ लाख ११ हजार १ सय ११ र दोस्रो हुने टोली ७७ हजार ७ सय ७७ रुपैयाँ प्राप्त गर्नेछन् ।
नाबिया रंगशालामा हुने तीन दिने प्रतियोगितामा २५ भन्दा बढी क्लबको सहभागिता रहने अनुमान गरिएको नेपाली ब्वाइज युथ क्लबका अनिल श्रेष्ठले जानकारी दिए ।
प्रतियोगिताको सर्वोत्कृष्ट खेलाडी, उत्कृष्ट गोलकिपर, रक्षक, मिडफिल्ड, फरवार्ड र उच्च गोलकर्तालाई पनि पुरस्कृत गरिने नेपाली ब्वायज युथका मेनेजर विनोद पोखरेल बताएका छन् ।
