एजेन्सी – गत सिजन प्रिमियर लिग उपाधि जित्दा चेल्सीका सर्वाधिक गोलकर्ता रहेका स्पेनिश फरवार्ड डिएगो कोष्टाले अर्को सिजन क्लब छाड्ने भएका छन्।
चेल्सीका प्रशिक्षक एन्टोनियो कोन्टेले कोष्टालाई व्यक्तिगत सन्देशमार्फत अर्को सिजन उनि प्रशिक्षकको योजनामा नरहेको बताएका छन्। कोष्टाले प्रशिक्षक कोन्टेले उनलाई क्लब छाड्न खुला छाडेको जानकारी दिए। कोष्टाले चेल्सीका लागि गत सिजन २२ गोल गरेका थिए।
२८ वर्षीय फरवार्ड कोष्टाले सिजनको अन्त्यतिर भने निकै कमजोर प्रदर्शन गरेका थिए। उनले अर्को सिजन एटलेटिको म्याड्रिडमा फर्कने इच्छा जाहेर गरेका छन्। तर, एटलेटिकोले अर्को वर्षको जनवरी महिनासम्म कुनैपनि खेलाडी अनुबन्धन गर्न प्रतिबन्ध लागेको छ।
कोष्टाका अनुसार उनले प्रशिक्षक कोन्टेको निर्णयलाई स्विकार्दै क्लबसँग सल्लाह गरेर भविष्यबारे सोच्ने बताए।
