काठमाडौँ (हाम्रो खेलकुद) – यमनका राष्ट्रिय फुटबल टोलीका कप्तान अयास मोहम्मद इब्राहिमले एएफसी एसियन कप अन्तर्गत मंगलबार हुने नेपालविरुद्धको खेलमा आफ्नो टोलीले जित्ने दावी गरेका छन्।
इब्राहिम टोलीका गोलरक्षक हुन् र उनि ओमानका क्लबसँग आवद्ध रहेका छन्। तर यस सिजनबाट ओमानी लिगमा विदेशी गोलरक्षक खेलाउन नपाउने नियम आएसँगै उनले क्लबबाट खेलेका छैनन्।
उनले यमनको टोलीले राम्रो तयारी गरेको र त्यसको फलस्वरूप जित दर्ता गर्ने बताए। “हामीले यस खेलका लागि लामो समयदेखि तयार गर्दै आएका छौँ। मलाई हामीले ३ अंक प्राप्त गर्नेमा पूर्ण विश्वास छ।”
यमनले यस खेलको तयारीका लागि इजिप्टका केहि क्लबसँग मैत्रीपूर्ण खेल खेलेर आएको हो।
