default_image

7 years ago

June 12, 2017

आर्मीद्वारा यु-१८ उपाधि रक्षा

काठमाडौँ (हाम्रो खेलकुद) – सिएमजी क्लब संकटालाई १-० ले हराउदै त्रिभुवन आर्मी क्लबले लगातार दोस्रो पटक ललित स्मृति यू–१८ फुटबल प्रतियोगिताको उपाधि जितेको छ । दोस्रो हाफमा एरिक बिस्टले फ्रिकिकमार्फत गरेको गोलमा लिएको आग्रतालाई जोगाउदै आर्मीले उपाधि जित्न सफल भएको हो ।  खेलको सुरुवाती समयमा संकटाले केहि सुन्दर गोल गर्ने अवसर गुमाएको थियो । दिनेश आले मगरले डी बक्सको छेउबाट पाएको […]

30 views

0 Bookmark

काठमाडौँ (हाम्रो खेलकुद) – सिएमजी क्लब संकटालाई १-० ले हराउदै त्रिभुवन आर्मी क्लबले लगातार दोस्रो पटक ललित स्मृति यू–१८ फुटबल प्रतियोगिताको उपाधि जितेको छ । दोस्रो हाफमा एरिक बिस्टले फ्रिकिकमार्फत गरेको गोलमा लिएको आग्रतालाई जोगाउदै आर्मीले उपाधि जित्न सफल भएको हो । 

खेलको सुरुवाती समयमा संकटाले केहि सुन्दर गोल गर्ने अवसर गुमाएको थियो । दिनेश आले मगरले डी बक्सको छेउबाट पाएको वान भर्सेस वानको स्थितिमा बललाई सोझै आर्मीको गोलरक्षक अर्पन कार्कीको हातमा प्रहार गरेका थिए। संकटाले पुन: पाँचौ मिनेटमा पाएको अवसरमा कप्तान प्रदिप बोगटीले क्रसबारको माथि प्रहार गरेका थिए ।

आर्मीका लागि १५औं मिनेटमा दिनेश हेन्जनले राम्रो प्रहार गरेपनि गोल हुन नसक्दा आर्मी खेलमा अग्रता लिनबाट चुक्यो । बक्सको दायाँ तर्फबाट दोर्जे तामाङले डिफेन्डरलाई छक्याउदै दिनेशलाई दिएको बलमा उनको दायाँ खुट्टाले गरेको प्रहार सेकेन्ड बारबाट थोरै परबाट बाहिरियो । खेलको पहिलो हाफमा दुवै टोलीले गोल गर्ने अवसर सिर्जना गरेपनि दुवै पक्षबाट कुनै गोल हुन सकेन ।

दोस्रो हाफको सातौं मिनेटमा एरिक बिस्टले फ्रीकिक मार्फत गोल गरे। करिब २२ यार्डबाट गरेको उनको प्रहारले एक बाउन्स लिंदै विपक्षी गोलरक्षक उज्ज्वल लिम्बुलाई रक्षा गर्ने कुनै अवसर दिएन। त्यसकै ३ मिनेटपछि आर्मीले अर्को गोल गर्ने अवसर गुमायो । गोलकर्ता एरिकको पासमा दिनेश हेन्जनले गरेको प्रहार सेकेन्ड बारबाट थोरै बाहिरियो ।

त्यसपश्चात खेलमा आर्मीले दबाब कायमै राख्यो र ५८औं मिनेटमा कर्नर मार्फत पाएको अवसरमा प्रेजेन तामाङले गरेको हेडरले संकटको किपर उज्ज्वललाई बिट गरेपनि संकटाका सागर थापाले गोल लाइनबाट बचाउ गर्दै संकटालाई खेलमा जिवित राखे ।

संकटले ७९औं मिनेटमा खेलमा फर्किने सुनौलो अवसर गुमायो। देवराज तामाङले ८ यार्ड नजिक पाएको बललाई पोस्ट बाहिर प्रहार गर्दै संकटाको बराबरी गर्ने अवसर गुमाए । निर्धारित समय र थपिएको ६ मिनेट इन्जुरी समयमा संकटाले कुनै गोल गर्न नसकेपछि आर्मीले ललित स्मृति यु–१८ फुटबल प्रतियोगिताको उपाधि रक्षा गरेको हो।

विजेता आर्मीले उपाधिसँगै नगद ३ लाख प्राप्त गर्यो भने उपविजेता संकटाले १ लाख ५० हजारमा चित्त बुझायो।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.