काठमाडौँ (हाम्रो खेलकुद) – एएफसी एसियन कपको छनोट चरण अन्तर्गत आज नेपाल र यमन बिचको खेल हलचोकस्थित सशस्त्र प्रहरी बलको मैदानमा हुँदैछ।
१फिफा वरियतामा १ सय २४औं स्थानमा रहेको यमनले विगतमा नेपालसँग खेलेका २ अन्तर्राष्ट्रिय खेलमध्य दुवैमा जित दर्ता गरेको छ। हाल १ सय ६९औं स्थानमा रहेको नेपालले पछिल्लो पटक यमनसँग सन् २०१४मा अन्तर्राष्ट्रिय मैत्रीपूर्ण खेल खेलेको थियो। कतारको दोहामा भएको उक्त खेलमा नेपाल २-०ले पराजित भएको थियो।
यसैगरी नेपाल र यमनबिचको पहिलो खेलमा नेपाल ३-०ले पराजित भएको थियो। नेपालले अहिलेसम्म खेलेको दुवै खेलमा यमनलाई गोल गर्न सकेको छैन।
