7 years ago
June 13, 2017
एसियन कप छनोटमा नेपाललाई पहिलो अंक,यमनसँग गोलरहित बराबरी खेल्यो प्रकाश तिमल्सिना/ दिपेन्द्र पोखरेल काठमाडौं – खेल नियन्त्रणमा राख्नका वावजुद गोल गर्न नसकेपछि नेपालले यमनसँगको एसियन कप छनोटमा आज गोलरहित बराबरी खेलेको छ । हलचोकस्थित सशस्त्र प्रहरी बलको मैदानमा दर्जन बढी अवसर पाउनका वावजुद गोल गर्न नसकेपछि नेपालले समूह ‘एफ’ को खेलमा यमनसँग अंक बाढेको छ […]
एसियन कप छनोटमा नेपाललाई पहिलो अंक,यमनसँग गोलरहित बराबरी खेल्यो
प्रकाश तिमल्सिना/ दिपेन्द्र पोखरेल
काठमाडौं – खेल नियन्त्रणमा राख्नका वावजुद गोल गर्न नसकेपछि नेपालले यमनसँगको एसियन कप छनोटमा आज गोलरहित बराबरी खेलेको छ ।
हलचोकस्थित सशस्त्र प्रहरी बलको मैदानमा दर्जन बढी अवसर पाउनका वावजुद गोल गर्न नसकेपछि नेपालले समूह ‘एफ’ को खेलमा यमनसँग अंक बाढेको छ । दुई खेलमा नेपालले जोडेको यो पहिलो अंक हो । २ खेलमा ४ अंकसहित यमन शीर्षस्थानमा छ । आजै समूहको अर्को खेलमा ताजकिस्तान र फिलिपिन्सबीच प्रतिस्पर्धा हुनेछ । चैतमा भएको समूहको पहिलो चरणको खेलमा फिलिपिन्सले नेपालाई ४–१ ले र यमनले ताजकिस्तानलाई २–१ ले हराएको थियो ।
पहिलो हाफको २० मिनेटबाहेक खेलमा नेपालले खेल नियन्त्रणमा राखेको थियो । दुई हाफमा गरि नेपालले झन्डै दर्जन आक्रमण गर्दा पनि गोल गर्न सकेन । दोस्रो हाफको सुरुआतबाटै नेपालले गोलको अवसर सृजना गरेको थियो । तर, सफलता हात लागेन ।
४८ औं मिनेटमा सुजल श्रेष्ठको कर्नरमा अनन्त तामाङको हेडर पोस्ट नजिकबाट बाहिरायो भने ५८ औं मिनेटमा काउन्टर एट्याकमा नवयुग श्रेष्ठले मौका गुमाए । ६४ औं मिनेटमा भरत खवासको प्रहार विपक्षी रक्षकमा डिफ्लेक्ट हुँदा प्राप्त रिबाउन्डमा अन्जन विष्टको प्रहार गोलकिपरले डाइभिङ पन्च गरे । ६७ औं मिनेटमा दायाँबाट नवयुगले एक्लै बल अघि बढाएपछि पोस्ट नजिक बल पुर्याउँदा अन्य खेलाडीको साथ पाएनन् । त्यसको एक मिनेटपछि अन्जनको पासमा भरतले झन्डै २५ यार्डबाट गरेको कडा प्रहारलाई किपरले जोगाए । ८९ औं मिनेटमा रोहित चन्दको प्रहार विपक्षी रक्षकलाई डिफ्लेक्ट भएर पोस्ट नजिकबाट बाहिरिएको थियो । ८९ औं मिनेटमा विशाल राईले झन्डै २५ यार्डबाट फ्रिकिक प्रहार गर्दा पोस्ट नजिकबाट बाहिरिएको थियो ।
नेपाली टोलीबाट भरत र सुजल को उत्कृष्ट रहेको थियो बाँकी खेलाडीको प्रदर्शन औसत मात्र रहेको थियो ।
पहिलो हाफमा नेपालले २७ औं मिनेटमा गोलका लागि सबैभन्दा राम्रो अवसर पाएको थियो । तर, अनन्त तामाङ, सुजल र भरत खवास तीनै जनाले मौकाको उपयोग गर्न सकेनन् । अन्जनको कर्नरमा पोस्ट अगाडि खाली रहेका अन्जनले बल छुटाए त्यसपछि सुजल र अन्तमा भरतले पनि ट्याप गर्दा पुग्ने बल छुटाएपछि नेपालले अग्रता लिन सकेन । लगत्तै एक मिनेटपछि अन्जनलाई विपक्षी खेलाडी पेनाल्टी बक्सको बाहिर फाउल हानेपछि नेपालले फ्रिकिक पाएको थियो । त्यसमा सुजलको फ्रिकिक मानव पर्खालमा लागेर फर्कियो । ३६ औं मिनेटमा सुजलको लामो प्रहार विपक्षी किपरले सहजै रोके । त्यसअघि सातौं मिनेटमा मैदानको दायाँ भागमा सुजलले दिएको पासमा भरतको क्रस नवयुग श्रेष्ठले भेट्टाउन नसक्दा विपक्षीमाथिको सम्भावित संकट टरेको थियो । नवौं मिनेटमा सुजलको क्रस विपक्षी किपरले सहजै रोके । २४ औं मिनेटमा भरतको क्रसमा बल विमको माथिबाट बाहिरिएको थियो ।
यमनले पनि चारवटा प्रहार गरेपनि नेपालका नम्बर एक गोलकिपर किरण चेम्जोङले सफल हुन दिएनन् । पाँचौं मिनेटमा अहमिद नबिल हजाईले पेनाल्टी बक्स बाहिरबाट गरेको प्रहार किरणले जोगाए । त्यस्तै यमनले १२ औं मिनेटमा उत्कृष्ट मुभ बनाउनका वावजुद गोल गर्न सकेन । अला मोहमद अब्दुलाह अल ससीको पासमा हजाईको वान भर्सेस वान प्रयासलाई किरणले लडेर जोगाएका थिए । यमनले दोस्रो हाफमा छिटपुट आक्रमण मात्र गरेको थियो ।
नेपालका लागि उत्कृस्ट प्रदर्शन गरेका गोलकिपर किरण चेम्जोङ ‘म्यान अफ द म्याच’ भए ।
नेपाली टोली – किरण चेम्जोङ (गोलकिपर),विराज महर्जन (कप्तान), अनन्त तामाङ, आदित्य चौधरी (७३,देवेन्द्र तामाङ), कमल श्रेष्ठ, विशाल राई, अन्जन विष्ट (८९, बिमल घर्ती मगर), सुजल श्रेष्ठ, रोहित चन्द, भरत खवास, नवयुग श्रेष्ठ (९०ं२ अनिल गुरुङ)
April 20, 2024
एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]
April 20, 2024
एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल […]
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]