7 years ago
June 15, 2017
एजेन्सी – आगामी शनिबारबाट रसियामा सुरु हुने फिफा कन्फेडेरेसन कपको तयारी पुरा भइसकेको छ। सम्पूर्ण सहभागी टोलीहरु रसियातर्फ प्रस्थान गरिसकेका छन्। महादेशीय प्रतियोगिताको विजेताहरुसँगै विश्व विजेता र आयोजक राष्ट्र रसिया सहभागी रहेको प्रतियोगितामा नयाँ अनुहारहरु पनि प्रसस्तै देखिनेछन्। अन्तर्राष्ट्रिय स्तरमा आफ्नो छाप बसाउन बाँकी रहेका र कन्फेडेरेसन कपमा चम्कने खुबी भएका ५ खेलाडी यसप्रकार छन्: […]
एजेन्सी – आगामी शनिबारबाट रसियामा सुरु हुने फिफा कन्फेडेरेसन कपको तयारी पुरा भइसकेको छ। सम्पूर्ण सहभागी टोलीहरु रसियातर्फ प्रस्थान गरिसकेका छन्। महादेशीय प्रतियोगिताको विजेताहरुसँगै विश्व विजेता र आयोजक राष्ट्र रसिया सहभागी रहेको प्रतियोगितामा नयाँ अनुहारहरु पनि प्रसस्तै देखिनेछन्। अन्तर्राष्ट्रिय स्तरमा आफ्नो छाप बसाउन बाँकी रहेका र कन्फेडेरेसन कपमा चम्कने खुबी भएका ५ खेलाडी यसप्रकार छन्:
आन्द्रे सिल्भा:
क्रिस्टियानो रोनाल्डो आफैंले उत्तराधिकारी मानेका सिल्भा यसै सिजन एफसी पोर्टोबाट एसी मिलान लागेका छन्। २० वर्षीय सिल्भालाई टोलीमा भित्र्याउन मिलनले ४० मिलियन युरो खर्चेको थियो। पोर्चुगलको सबै उमेर समूहको टोलीबाट खेलिसकेका सिल्भाले सिनियर टोलीबाट पनि ८ खेलमा ७ गोल गरिसकेका छन्।
आरोन मोय:
यसै सिजन प्रिमियर लिगमा बढुवा भएको हडर्सफिल्ड टाउनबाट व्यवसयिक फुटबल खेल्दै आएका मोयमाथि अष्ट्रेलियाले ठुलो आशा गरेको छ। नियमित कप्तान मिले एडीनाकको अनुपस्थितिमा मिडफिल्डको दारोमदार सम्हाल्ने जिम्मा उनीमाथि रहेको छ। सामान्यतया आक्रामक मिडफिल्डमा खेल्ने उनले टोलीको चाहअनुसार रक्षात्मक मिडफिल्डरको भूमिकामा देखिने सम्भावना छ।
हेक्टर मोरेनो:
मेक्सिकोका २९ वर्षीय डिफेन्डर हेक्टरले राष्ट्रिय टोलीको लागि ७९ खेल खेलिसकेका छन्। सन् २००६ देखि आफ्नो सिनियर करियर सुरु गरेका उनले आफुले खेलेका सबै क्लबमा राम्रो छाप बसालेका छन्। यसै सिजनको अन्त्यमा इटालियन क्लब एएस रोमासँग अनुबन्धित भएका मोरेनोको प्रदर्शनमा मेक्सिकोको नतिजा भर पर्ने देखिन्छ।
क्रिस्टियन बास्सोगग:
सन् २०१५मा क्यामरुनको दोश्रो डिभिजन खेलिरहेका बास्सोगगले त्यस समय हप्ताको ५० डलर कमाउने गर्दथे। तर पछिल्लो २ सिजनमा उनि डेनमार्कको क्लब आल्बर्गबाट चिनियाँ क्लब हेनान जिआन्य पुगेसँगै उनको भाग्य फेरियो। राष्ट्रिय टोलीमा परेकै सिजनमा उनले टोलीलाई अफ्रीका कप अफ नेसन्सको उपाधि दिलाए। उनि प्रतियोगिताको सर्वोत्कृष्ट खेलाडी चुनिएका थिए।
टिमो वेर्नर:
२१ वर्षीय वेर्नरले आरबि लेप्प्जिगबाट खेलेको पहिलो सिजनमै ३१ खेलमा २१ गोल गर्दै आफ्नो प्रतिभा देखाए। जर्मनीका उदयमान युवा खेलाडीको रुपमा हेरिएका वेर्नरले प्रशिक्षक योकिम लोलाई पनि निकै प्रभावित पारेका छन्। थोमस मुलर र मार्को रिउसजस्ता खेलाडीको अनुपस्थितिमा उनीमाथि जर्मनीले ठुलो आशा राखेको छ।
April 19, 2024
एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]
April 18, 2024
काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]