काठमाडौं (हाम्रो खेलकुद)– नेपाली मिडफिल्डर जगजित श्रेष्ठको नयाँ क्लब नुवावडिङ सिटी एफसी शनिबार एनपिएलको खेलमा पराजित भएको छ । आइतबार जगजितको ‘डेब्यू’ खेलमा १–० को जित हासिल गरेको नुवावडिङ शनिबार मोरेल्यान्ड सिटी एफसीसँग ३–० ले पराजित भएको थियो ।
एनपिएलमा नुवावडिङ सिटी एफसीबाट खेल्दै जगजित श्रेष्ठ (बायाँ) । फाइल तस्बिर
जगजितका अनुसार नुवावाडिङ २० टोलीको सहभागिता रहेको लिगमा १८ अंक छ । सहित आठौं स्थानमा रहेको छ । जगजित गत सातामात्र सनसाइन क्रस एफसी छाडेर बाँकी सिजनका लागि नुवावडिङमा आबद्ध भएका थिए ।
ट्रान्फर विन्डोको अन्तिम दिन बुधबार नयाँ क्लबमा आबद्ध भएका थिए ।सनसाइनमा भन्दा सेवा सुविधा राम्रो भएकोले नयाँ क्लबमा आबद्ध भएको बताएका थिए । अस्ट्रेलियमा जगजितको यो तेस्रो क्लब हो ।
गत बर्षको सुरुआत तिर अस्ट्रेलिया पुगेका जगजितले साउनमा भिक्टोरिया स्टेटको बी डिभिजन टोली ह्युम युनाइटेड एफसीबाट तीन महिना खेलेका थिए । त्यति बेला उनले १ हजार ५ सय अमेरिकी डलर मासिक पारिश्रमिक लिन्थे ।
