काठमाडौं (हाम्रो खेलकुद) – सान्त्वना कप फुटबल प्रतियोगिताको उपाधि स्वप्न बाटिका (एसभी) एकेडेमीले जितेको छ। एन्फा टेक्निकल सेन्टरको मैदान च्यासलमा मंगलबार भएको फाइनल खेलमा एसभी एकेडेमीले भिमेश्वर एकेडेमीलाई १–० गोलले पराजित गर्दै उपाधि उठाउन सफल भएको हो।
एसभी एकेडेमीको जितमा अनिश कार्कीले निर्णायक गोल गरेका थिए । उपाधि सँगै एसभी एकेडेमीले ३० हजार रुपैयाँ पुरस्कार पायो । उपविजेता भिमेश्वर एकेडेमीले २० हजार रुपैयाँमा चित्त बुझायो ।
प्रतियोगितामा उत्कृष्ट खेलाडीको उपाधि भिमेश्वरका सपन बस्नेतले पाए । सर्वाधिक गोलकर्ताको पुरस्कार एसभीका विजु राईले पाए । उत्कृष्ट गोलरक्षक एसभीका सविन श्रेष्ठ भए । उत्कृष्ट प्रशिक्षकको पुरस्कार एसभी एकेडेमीका उज्जल राई भए । राइजिङ प्लेयरको पुरस्कार एसभीका अनिल खड्काले पाए।
च्याम्पियन्स क्लब कोटेश्वरको आयोजनमा असार २ गतेदेखि सञ्चालित प्रतियोगितामा १६ टोलीले भागलिएका थिए । सहभागी टोलीबीच नकआउटका आधारमा प्रतिस्पर्धा गराईएको थियो ।
