एजेन्सी – फिफा कन्फेडेरेसन कप अन्तर्गत बिहिबार राती हुने खेलमा चिली र जर्मनी आमने-सामने हुँदैछन्। दुवै टोलीले समुहको पहिलो खेल जितेका थिए।
जर्मनीले पहिलो खेलमा अष्ट्रेलियालाई ३-२ले पराजित गरेको थियो भने चिलीले क्यामरुनमाथि २-०को जित दर्ता गरेको थियो। दुवै टोली समूहको शीर्षस्थानमा रहेर जितसँगै सेमीफाइनलमा प्रवेश गर्ने धुनमा हुनेछन्।
पछिल्लो पटक यी दुई टोलीको भेट सन् २०१४मा मैत्रीपूर्ण खेलमा भएको थियो। उक्त खेलमा मारियो गोट्जेको गोलमा जर्मनी १-०ले विजयी रहेको थियो।
जर्मनीका प्रशिक्षक जोकिम लो आफ्नो सयौं खेलमा जितको आशा गरिरहेका छन्। तर, चिलीले पछिल्ला १४ अन्तर्राष्ट्रिय खेलमा जम्मा १ खेलमा पराजय व्यहोरेको छ।
