काठमाडौँ (हाम्रो खेलकुद) – राष्ट्रिय टोलीका गोलरक्षक किरण चेम्जोङको क्लब ट्रस्ट एन्ड केयर (टिसी) फुटबल क्लबले माल्दिभ्सको धिवेही प्रिमियर लिग अन्तर्गत शुक्रबार रातीको खेलमा न्यु रेडीयन्टसँग ४-३को हार व्येहोरेको छ।
आलु फसिरले २०औं मिनेटमा गोल गर्दै रेडीयन्टलाई अग्रता दिलाएका थिए भने हमजा मोहमदले ३४औं मिनेटमा अग्रता दोब्बर पारेका थिए। तर नाइज हुसेनले गोल गर्दै खेलमा फर्काएपनि अलि फसिरले ५५ औं मिनेटमा गोल गर्दै पुन: २ गोलको अग्रता कायम गरे।
टिसी स्पोर्ट्सले त्यसपछि पेनाल्टीमार्फत गोल गर्दै खेलमा फर्कने प्रयास गर्यो। कोनेलिअस स्टेवार्टले २ पेनाल्टीबाट गोल गर्दै खेललाई ३-३को बराबरी सम्म ल्याए। तर, खेलको अन्तिम समयमा एड्रीएन गल्लार्डोले गोल गर्दै रेडियन्टको जित पक्का गरेका थिए।
यस जितसँगै १० खेलमा १४ अंक बोकेको टिसी स्पोर्ट्स अंक तालिकाको पाँचौ स्थानमा कायम छ। किरणको टोलीले ४ जित,२ बराबरी र ३ हार व्येहोरेको छ।
