एजेन्सी – स्पेनिस टोलि बार्सिलोनाले टोटेनहमका पुर्वखेलाडी पौलिन्होलाई चिनिया क्लब ग्वान्झाउ एभरग्रान्डबाट भित्र्याउने प्रयास गरेको छ। गत सिजन कोपा डेल रे मात्र जितेर चित्त बुझाएको बार्सिलोनाले यस सिजन नयाँ खेलाडी भित्र्याएर बलियो सुरुवात गर्ने लक्ष्य लिएको छ।
३५ मिलियन पाउण्ड रिलिज कलज रहेका ब्राजिलियन मिडफिल्डरलाई बार्सिलोनाले केहि कम रकममा सम्झौता गर्ने प्रयास गर्दैछ। सन् २०१५मा टोटेनहमले पौलिन्होलाई १० मिलियन पाउण्डमा बेचेको थियो। उनले २ सिजनमा ४५ खेल खेलेका थिए।
पौलिन्होले चिनमा बितेका २ सिजनमा लिग उपाधि जितेका छन् भने यस सिजन पनि उनको टोली अंक तालिकाको शीर्ष स्थानमा रहेको छ। दोश्रो स्थानमा रहेको टोलीभन्दा ४ अंकले अगाडी रहेको ग्वान्झाउले यस सिजन पनि लिग उपाधि जित्ने अनुमान गरिएको छ।
यता बार्सिलोना भने जाभीले क्लब छाडेपछि मिडफिल्डरको खोजीमा रहेको छ। गत सिजन भ्यालेन्सियाबाट आएका आन्द्रे गोमेसले सोचेअनुरुप प्रदर्शन गर्न सकेका थिएनन्। त्यसैले बार्सिलोनाले यस सिजनका लागि पौलिन्होलाई भित्र्याउने प्रयास गरेको हो।
पौलिन्हो ब्राजिलियन राष्ट्रिय टोलीकापनि नियमित सदस्य हुन्।
