आयरल्याण्ड (एजेन्सी) – आयरल्याण्डको प्रिमियरसिपमा एकै खेलाडीलाई दुइ क्लबले आबद्ध गरेको भनेपछि समस्या उत्पन्न भएको छ ।
यर्क सिटीसँग १ बर्ष बिताएका जोश रबिनसन यसै सिजन उक्त क्लबबाट रिलिज भएपछि आइरिस प्रिमियरसिपमा दुइ क्लबले आबद्ध गरेको दाबि गरेका छन् । अघिल्लो सिजन आइरिस प्रिमियरसिपमा पहिलो भएको लिनफिल्ड र दोस्रो भएको क्रुसडरले उनलाई भित्र्याएको भनेर आधिकारिक घोषणा गरेको हो ।
लिनफिल्डले रबिनसनसँग ३ बर्षको सम्झौता गरेको दाबि गरेको छ भने क्रुसडरले अनुसार उनलाई ४ बर्षकोलागी आबद्ध गरेको दाबी गरेको हो । आइरिस फुटबल एसोसिएसनले यो घटनामा छानबिन गर्दै छ ।
