स्पेन (एजेन्सी) – रियल म्याड्रिडका सेन्टर फरवार्ड अल्भारो मोराटा आउदो सिजन प्रिमियर लिग क्लब म्यानचेस्टर युनाइटेड आउने लगभग पक्का भएको छ । रियलको टोलीमा पहिलो रोजाइमा पर्न नसकेपछि मोराटाको माग ट्रान्सफर मार्केटमा बढेको हो।

गत सिजन रियलकालागि २० गोल गरेका मोराटाका लागि म्यानचेस्टर युनाइटेडले ६० मिलियन सम्म तिर्न तयार रहेको छ। रियलबाट युभेन्टसमा २० मिलियन युरोमा पुगेका मोराटा इटालीमा सफल २ सिजन पछि ३० मिलियनमा पुनः रियल फर्किएका थिए । स्पेनी समाचार श्रोत मार्साका अनुसार मोराटा आफ्नो छुट्टि अन्त्य भएसँगै म्यानचेस्टर पुग्नेछन्। यसअघि एसी मिलनले पनि मोराटालाई भित्राउने प्रयास गरेको थियो।

डेभिड डे हेयालाई युनाइटेडबाट रियलले किन्दा युनाइटेडले मोराटालाई माग गर्ने योजना बनाएपनि युनाइटेडले अस्विकार गरेपछि सो योजना बिफल भएको थियो। युनाइटेडले यसअघि डिफेन्डर भिक्टर लिन्डेलफलाई भित्र्याइसकेको छ।

यस सिजन मोराटाले रियलसंगै लिग उपाधि र च्याम्पियन्स लिगको फाइनलसम्मको यात्रा तय गरेपनि व्यक्तिगत रुपमा मैदानमा खेल्ने समय नपाउँदा उनि दुखित छन्। इटालीमा युभेन्टसबाट खेल्दा उनले प्रभावशाली प्रदर्शन गरेकाले पनि अन्य क्लबले उनलाई भित्र्याउन चाहेका हुन्।