एजेन्सी – स्पेनिस क्लब बार्सिलोनाले ‘बाइ ब्याक क्लज’को उपयोग गर्दै विङ्गर जेरार्ड डेउलेफेउलाई एभर्टनबाट फिर्ता बोलाएको छ। बार्सिलोनाले क्लजको उपयोग गर्दै २१ मिलियन पाउण्ड खर्चेर डेउलेफेउलाई क्लबमा पुन: अनुबन्धित गरेको हो।
स्पेनको यू२१ टोलीका कप्तान रहेका डेउलेफेउले राम्रो प्रदर्शन गरेपछि दुवै क्लब र खेसाडीसँगको सम्झौतापश्चात उनि क्लबमा फर्किएका हुन्। डेउलेफेउले बार्सिलोनासँग हाल दुई वर्षको सम्झौता गर्नेछन्। उनले गत सिजन एसी मिलानबाट पनि लोनमा खेलेका थिए।
डेउलेफेउलाई बार्सिलोनाले हिजो आफ्नो सामाजिक संजालमार्फत घोषणा गर्दै पुन: अनुबन्धन गरेको जानकारी दिएको हो। उनले यसअघि उमेर समुहमा बार्सीलोनाकै टिमबाट खेलेका थिए। उनले सिनियर टोलीबाट पनि यसअघिनै डेब्यु गरिसकेका छन्।
