लन्डन (एजेन्सी) – प्रिमियर लिग बिजेता चेल्सीले आउने २०१७/१८ सिजनको लागि नयाँ जर्सी सर्वाजनिक गरेको छ । चेल्सीले क्लबकै इतिहासमा पहिलो पटक नाइकको जर्सी लगाउने भएको हो । सन् १९७० को डिजाइनलाई प्रतिबिम्बित गर्दै नयाँ होम किट बनाइएको नाइकले जनाएको हो ।
होम किटमा निलो जर्सीमा सेतो मोजा रहेको छ भने अवे किटमा सेतो जर्सीमा निलो मोजा मिलाइएको छ । सिल्भर रंगको अवे जर्सीले चेल्सीले अहिलेसम्म जितेको सिल्भरवेरलाई प्रतिनिधित्व गर्ने नाइकले बताएको हो । चेल्सीको जर्सीमा योकोहामा टायर्स मुख्य प्रायोजकमा कायम छ ।
यसअघि चेल्सीले एडिडासको जर्सी प्रयोग गर्दै आएको थियो। चेल्सीका डेबिड लुइज, एडेन हजार्ड, लगायतका खेलाडी पनि नाइक कम्पनिकै खेल सामग्री प्रयोग गर्छन।
