काठमाडौं (हाम्रो खेलकुद)– नेपाली मिडफिल्डर जगजित श्रेष्ठको नयाँ क्लब नुवावडिङ सिटी एफसीले एनपिएलमा आइतबार पराजित भएको छ । जगजितको टोली विरिबी सिटी एफसीसँग ३–१ ले पराजित भएको थियो ।
फाइल तस्बिर
तीन साताअघि सनसाइन क्रस एफसीबाट नुवावडिङमा गएपछि जगजितको त्यो चौथो खेल थियो । जसमा २ खेलमा जित र २ खेलमा टोलीले हार बेहोरेको छ । जगतिजको ‘डेब्यू’ र तेस्रो खेलमा टोली विजयी भएको थियो भने दोस्रो र चौथो खेलमा पराजित भएको थियो ।
अघिल्लो खेलमा उनको टोलीले रिचमन्ड सकर क्लबलाई ३–१ ले हराएको थियो । जगजितका अनुसार नुवावाडिङ २० टोलीको सहभागिता रहेको लिगमा उनको टोलीको २१ अंक छ ।
