फ्रान्स (एजेन्सी)- प्रिमियर लिग क्लब आर्सनल फ्रेन्च फरवार्ड अलेक्सांद्रे लाकाजेट भित्र्याउनका लागि क्लबको अहिलेसम्मकै ठुलो रकम तिर्न तयार देखिएको छ। लण्डन क्लब ४४ मिलियन पाउण्ड तिर्न तयार देखिएको हो।
यदि यो ट्रान्सफर सम्भब भएमा आर्सनलले २०१३मा रियल मड्रीडबाट मेसुट ओजिललाई भित्र्याउदा तिरेको ४२.५ मिलियनलाई उछ्न्ने छ। अघिल्लो बर्ष २९.५ मिलियनमा लाकाजेटलाई भित्र्याउने प्रयास असफल भएपछि यस बर्ष सुधारिएको प्रस्ताब अघि सारेको हो। अब ४८ घण्टामा यो ट्रान्सफर सम्भब हुने बताईएको छ।
मोनाकोका युवा फरवार्ड क्यलिन बाप्पेलाई भित्र्याउने चाहना पुरा नहुने देखेपछि अर्सेनल लाकाजेटमा इच्छुक देकिएको हो। अगिल्लो सिजन ४५खेलमा ३७ गोल गरेका लाकाजेटले अहिलेसम्म लियोनका लागि २सय ७५ खेल खेल्दै १सय २९ गोल गरिसकेका छन्।
