काठमाडौं (हाम्रो खेलकुद)– नेपाली राष्ट्रिय टोलीका मिडफिल्डर रोहित चन्दको टोली पर्सिजा जाकर्ताले इन्डोनेसिया लिगा १ मा अर्को बराबरी खेलेको छ । घरेलु मैदानमा शनिबार पर्सिजाले प्रेसिपुरासँग १–१ को बराबरी खेलेको थियो । यहि साता ग्रिसिक युनाइटेडसँग पनि पर्सिजाले १–१ को बराबरी खेलेको थियो ।
फाइल तस्बिर
आज ५० औं मिनेटमा ग्रिसिकका खेलाडीले गोल गरेपछि पर्सिजा खेलमा पछाडि परेको थियो । तर, ३ मिनेट पछि नै पर्सिजाले बराबरी गोल फर्कायो र सम्भावित हारलाई टारेको थियो । यो साता लिगा १ को उत्कृष्ट ११ मा छानिएका रोहित ६८ औं मिनेटमा परिवर्तन हुँदै मैदान बाहिरिएका थिए ।
लिगा १ मा गरेको प्रदर्शनको आधारमा रोहित १२ औं साताका लागि उत्कृष्ट ११ मा छनोट भएका हुन् । गोल डटकमले हरेक साता उत्कृष्ट ११ छनोट गर्दै आएको छ । हुने गरेको छ । लिगा १ मा २० टोलीको सहभागिता छ ।
केहि साताअघि खराब प्रदर्शनका कारण दबाबमा रहेको पर्सिजा पछिल्ला ६ खेलपछि भने अंकतालिकामा माथि आएको थियो । १३ खेलेको समाप्तीपछि रोहितको टोली ५ जित, ५ बराबर र ३ हारका साथ २० अंक जाडेको छ ।
