कराची (एजेन्सी) –पाकिस्तानको कराचीमा भएको ‘सेभेन ए साइड’ फुटबलमा ब्राजिलियन फुटबलर रोनाल्डिन्हो , म्यानचेस्टर युनाइटेडका पूर्व मिडफिल्डर रायन गिग्स , फ्रान्सका निकोलस एनेल्का गरी सात फुटबलका स्टारहरु बीच खेल सम्पन्न भयो।
दुइ खेल खेल्न शनिबार पाकिस्तान पुगेका खेलाडीहरुको टोलीमा रोनाल्डिन्हो र गिग्सले एक-एक टोलीको कप्तानी गरेका थिए । कराचीमा सम्पन्न पहिलो खेलमा रोनाल्डिन्होको टोलीले गिग्सको टोलीलाई ३-२ ले पराजित गरेको थियो। दोस्रो खेल आइतबार लाहोरमा हुनेछ ।
रोनाल्डिन्हो, गिग्स र एनेल्का सहित डच स्टार जोर्ज बोएटांग , फ्रान्सका रोबर्ट पिरेस , पोर्चुगलका लुइस बोए मोर्टा र इङ्ल्याडण्का पूर्व गोलकिपर डेभिड जेम्स गरि सात खेलाडी पाकिस्तान आएका हुन् । पाकिस्तानका खेलाडीहरुसँग मिलेर दुइ टोलीमा विभाजित खेलाडीहरुले शनिबार राति मैत्रीपूर्ण खेल खेलेका थिए ।
