एभर्टन (एजेन्सी)– एक दशकभन्दा लामो समय म्यानचेस्टर युनाइटेडमा बिताएका वायन रुनी पुनः एभर्टन फर्केका छन् । इङ्ल्यान्डका ३१ बर्षे स्ट्राइकरले आफ्नो बाल्यकालको क्लबसँग २ बर्षको सम्झौता गरेका छन् । उनले एभर्टनबाट १६ बर्षको उमेरमा ‘डेब्यू’ गरेका थिए ।
वायन रुनी
‘मैले पहिला देखि नै भन्दै आएको थिए । प्रिमियर लिगमा म कि म्यानचेस्टर युनाइटेड वा एभर्टनबाट मात्र खेल्नेछु । अहिले फेरी एभर्टन आएको छु । खुसी लागेको छ,’ रुनीले भने,‘ उपाधिहरु जित्ने लक्ष्यका साथ १३ बर्षअघि म यहाँबाट युनाइटेड पुगेको थिए । युनाइटेडको इतिहासमै सफल अवधिको म एउटा हिस्सा हुन सके त्यसमा गर्व छ ।’
उनले एभर्टनले केही सफलता हासिल गर्नेमा विश्वास व्यक्त गरे । ‘म एभर्टन फर्केको छु किनकी मलाई रोनाल्ड कोएम्यानप्रति विश्वास छ ,’ उनले थपे,‘ मैले बच्चादेखि समर्थन गरेको क्लबका लागि केही गर्न पाउँदा खुसी हुनेछु ।’ एभर्टनका प्रशिक्षक कोएम्यानले रुची फर्केमा खुसी व्यक्त गरेका छन् । उनले भने ‘ रुनी भर्खर ३१ बर्षका भए । उनीमा पर्याप्त क्षमता । उनले यहाँ राम्रो गर्नेछन् ।’
