स्पेन (एजेन्सी) – प्रशिक्षक जिनेदिन जिदानका माइला छोरा लुका रियल म्याड्रिडको पहिलो टोलीमा पर्ने सम्भावना बढेको छ । जिदानका जेठा छोरा इन्जो नियमित खेल्ने पाउने आशा सहित केही साता अघिमात्र रियल छाडेर डिपोर्टिभो अलाभेससँग आबद्ध भएका थिए ।
हाल रियलको दोस्रो टोली रियल म्याड्रिड क्यास्टिलासँग खेल्दै आएका लुका पहिलो टोलीको तेस्रो रोजाईको किपर रुबेन यानेजले क्लब छाड्ने भएपछि उनको स्थानमा पहिलो टोलीमा पर्ने सम्भावना बढेको हो । रियलको पहिलो रोजाईमा कलर नाभास र दोस्रो रोजाईमा किको कासिला रहेपनि स्पेनिस च्याम्पियन्सको तेस्रो रोजाईको किपर बन्ने अवसर जिदानका माइला छोरा लुकालाई मिल्ने सम्भावना छ ।
१६ बर्ष देखि सबै खाले उमेर समूहमा फ्रान्सको प्रतिनिधित्व गरिसकेका लुका प्रि सिजनको खेलहरुमा रियलको पहिलो रोजाईको टोलीमा पर्न सक्नेछन् ।
यानेजले क्लब छाड्ने निर्णय गरिसके पछि लुका रियलको पहिलो टोलीको तेस्रो रोजाई बन्ने वा रियलकै दोस्रो टोलीमा नियमित खेल्ने दोधारमा पर्न सक्नेछन् ।
