काठमाडौँ (हाम्रो खेलकुद) – एएफसी यू२३ च्याम्पियनसिपको छनोट चरणमा सहभागिता जनाउन नेपाली टोली यहि असार २९ गते युएईतर्फ प्रस्थान गर्दैछ। नेपाली टोलीमा रहेका अन्तिम २३ खेलाडीको नाम सार्वजनिक भइसकेको छ। टोलीमा ३ प्रशिक्षकको रहेका छन्।
प्रकाश अर्याल, राजु काजी शाक्य र मृगेन्द्र मिश्र
मुख्य प्रशिक्षक राजु काजी शाक्य
राष्ट्रिय टोलीका समेत प्रशिक्षक रहेका राजु काजी शाक्यले यसअघि नेपालले १२औं दक्षिण एसियाली खेलकुद (साग)मा स्वर्ण पदक जित्दा टोलीको प्रशिक्षण सम्हालेका थिए। उनले त्यसअघि पनि राष्ट्रिय टोलीको जिम्मेवारी सम्हालीसकेका छन्। एएफसी सोलिडारिटी कप जित्दा राष्ट्रिय टोलीका प्रशिक्षण टोलीमा रहेका शाक्य खेलाडीसंग राम्रैसँग परिचित छन्।
सहायक प्रशिक्षक प्रकाश अर्याल
सहायक प्रशिक्षक अर्यालको यो कुनै पनि उमेर समूहको राष्ट्रिय टोलीमा पहिलो पटक सहभागिता हो। धनुषा जिल्ला फुटबल संघका मुख्य प्रशिक्षक अर्यालको प्रशिक्षण अनुभव भने लामै छ। उनले विगत १ दशक देखि प्रशिक्षण दिंदै आएका छन्।
गोलरक्षक प्रशिक्षक मृगेन्द्र मिश्र
प्रशिक्षक मृगेन्द्र मिश्र पनि नेपाली फुटबलमा नयाँ नाम हैनन्। यू १९ साफ विजेता टोलीका प्रशिक्षक रहेका मिश्र १२औं सागमा स्वर्ण पदक जित्दा पनि टोलीका सदस्य थिए। आफ्नो जमानामा राष्ट्रिय टोलीका सदस्य रहेका मिश्र अनुभवी प्रशिक्षक हुन्।
