एजेन्सी – ब्राजिलियन राष्ट्रिय टोलीका पूर्व-खेलाडी एवं रियल म्याड्रिड लेजेण्ड रोबर्टो कार्लोस यसै साता नवौं सन्तानको पिता भएका छन्। उनकी हालकी पत्नी मारियानाबाट भएको दोश्रो सन्तानका रुपमा छोरीको जन्म भएको हो।
म्याड्रिडस्थित क्लिनिक रुबर अस्पतालमा कार्लोसकि नवौं सन्तानको जन्म भएको हो। ४४ वर्षीय कार्लोसको हालकी पत्नी मारियानाबाट सन् २००९मा पहिलो छोरी मानुएलाको जन्म भएको थियो। उनको अन्य सम्बन्धबाट ७ सन्तान रहेका छन्।
आफ्नो पहिलो श्रीमती अलेजान्द्राबाट उनको ३ सन्तान रहेका थिए। रोबर्टा, जिओभाना र रोबर्टो कार्लोस जुनिएर उनको पहिलो श्रीमतीपट्टिका सन्तान हुन्। यसबाहेक उनका अन्य सम्बन्धबाट पनि ४ छोराहरु रहेका छन्। कार्लोस एडुआर्डो, क्रिस्तोफर्म जुनियर र लुका अन्यत्रको सम्बन्धबाट जन्मेका सन्तान हुन्।
