लण्डन (एजेन्सी ) – धेरै मानिसले इन्स्टाग्रामलाइ एक सामाजिक सञ्जालको रुपमा मात्र हेरेका छन् तर सेलिब्रिटीलाइ यो पैसा कमाउने माध्यम पनि बनेको छ। पोर्चुगलका स्टार क्रिस्टियानो रोनाल्डो इन्स्टाग्राममा प्रायोजित सामाग्री पोष्ट गरेर सर्वाधिक रकम असुल्ने पुरुष हुन् भने सर्वाधिक कमाउनेमा उनि तेस्रो स्थानमा छन्।
माथी देखाइएको जस्तो प्रायोजित सामाग्रीको इन्स्टाग्राम मार्फत प्रचार गर्न रोनाल्डोले प्रति पोस्ट ३ लाख ८ हजार पाउण्ड लिने गरेका छन्। यो रकम एक स्टार फुटबल खेलाडीको १ साताको तलब भन्दा धेरै हो।
त्यस्तै रोनाल्डो भन्दा धेरै कमाउनेमा गायिका सेलेना गोमेज र किम कार्डिसन रहेका छन्। सेलेनाले प्रति पोस्ट ४ लाख २४ हजार पाउण्ड लिन्छिन भने कार्डिसनले ३ लाख ८५ हजार लिने गरेकी छिन्।
रोनाल्डो बाहेक शिर्ष १० मा पर्न सफल अर्का खेलाडी बास्केटबलका लेब्रन जेम्स हुन्। उनले प्रति पोस्ट ९२ हजार पाउण्ड लिने गरेका छन्।
