एजेन्सी – स्पेनिस च्याम्पियन रियल म्याड्रिडले अमेरिकामा हुने प्रि-सिजनका खेलका लागि घोषणा गरेको २६ सदस्यीय टोलीमा फरवार्ड क्रिस्टियानो रोनाल्डोको नाम रहेको छैन। गत महिना सम्पन्न फिफा कन्फेडेरेसन कपमा पोर्चुगलको राष्ट्रिय टोलीको कप्तान रहेका रोनाल्डो हाल परिवारसँग बिदा मनाउँदै छन्।
भर्खरै जुम्ल्याहा सन्तानका पिता बनेका रोनाल्डोले कम्तिमा १ महिना आराम गर्ने बताएका थिए। उनले आगामी अगष्ट महिनाको पहिलो सातातिर मात्र टोलीमा सामेल हुने बुझिएको छ। रोनाल्डोले अमेरिकामा रियलले खेल्ने ४ खेल गुमाउने पक्का भएको छ। रियलले म्यानचेस्टर युनाइटेड, म्यानचेस्टर सिटि, बार्सिलोना र एमएलएस अल स्टार टोलीसँगका खेलहरु गुमाउने भएका छन्।
रियलले अगष्ट ८ तारिखमा हुने युईएफा सुपर कप अन्तर्गत म्यानचेस्टर युनाइटेडविरुद्धको खेलमा भने पुनरागमन गर्ने आशा राखिएको छ। रोनाल्डोसँगै स्पेनको युरो यू२१ च्याम्पियनसिपमा सहभागी भएका मिडफिल्डर मार्को एसेन्सियो र जेसस् भालेहोले पनि केहि समय पछिमात्र टोलीमा समावेश हुनेछन्।
