काठमाडौँ (हाम्रो खेलकुद) – एएफसी यू२३ च्याम्पियनसिपको छनोट चरण खेल्न संयुक्त राज्य ईमिरेट्स (युएई) पुगेको नेपाल यू२३ राष्ट्रिय फुटबल टोलीले शनिबार हुने पहिलो खेलमा घरेलु टोली युएईको सामना गर्दैछ।
नेपालको टोलीमा आयोजक युएईसँगै उज्बेकिस्तान र लेबनान रहेका छन् । समुह चरणको पहिलो खेलमा स्थानिय समय अनुसार साँझ ६ बजेर २५ मिनेटमा हुनेछ। नेपाली समयानुसार खेल रातको ८ बजेर १० मिनेटमा सुरु हुनेछ।
प्रतियोगितामा सहभागी ४० टोलीलाई १० समुहमा विभाजित गरिएको छ। प्रत्यक समूहका शीर्ष टोली र समग्रमा ५ उत्कृष्ट उपविजेता टोलीले सन् २०१८को जनवरीमा चिनमा हुने एएफसी यु-२३ च्याम्पियन्ससिपमा सहभागिता जनाउने छन्। आयोजक राष्ट्र चिन स्वोत: छनोट भएको अवस्थामा छैटौं उत्कृष्ट उपविजेता टोली पनि प्रतियोगिताको लागि छनोट हुनेछ।
खेलको जानकारी – युएई यू२३ विरुद्ध नेपाल यू२३
खेल हुने मिति – २०७४ असार ३१ गते, शनिबार
खेल समय – नेपाली समय अनुसार बेलुकी ८ बजेर १० मिनेटमा सुरु हुने
खेल मैदान – युएईको अल इन स्थित ताह्नोन बिन मोहम्मद रंगशाला
लाइभ कसरि हेर्ने – हाम्रो खेलकुदको फेसबुक पेजमा लाइभ आउने
