काठमाडौँ (हाम्रो खेलकुद) – एएफसी यू२३ च्याम्पियनसिपको छनोट चरणमा सहभागिता जनाउन नेपाली टोली हाल संयुक्त राज्य ईमिरेट्स (युएई)मा रहेको छ। सन् २०१८मा हुने प्रतियोगिताको अन्तिम चरणमा प्रवेश पाउन नेपाली टोलीले कठिन समूहमा रहेर प्रतिस्पर्धा गर्दैछ।
प्रतियोगिता सुरु हुने पूर्वसन्ध्यामा बोल्दै नेपाली टोलीका प्रशिक्षक राजु काजी शाक्यले नेपाली टोलीले एक महिना तयारीका बाबजुद पनि राम्रो प्रदर्शन गर्ने आशा राखेको बताए। ‘हामीले १ महिना प्रशिक्षण गरेर पनि मैत्रीपूर्ण खेलमा बंगलादेशलाई १-०ले हराउन सफल रह्यौं। उक्त जितसँगै युवा टोलीमा थप लड्न सक्ने क्षमताको प्रस्फुटन भएको छ।’
उनले बंगलादेशको तुलनामा अहिलेका प्रतिद्वन्द्वी राम्रो भएकाले टोलीलाई केहि काटिन हुने स्वीकारे। ‘हाम्रो समूहमा युएई, उज्बेकिस्तान र लेबनान छन्। उनीहरु कठिन प्रतिद्वन्द्वी पक्कै हुन् तर हामी प्रत्यक खेलमा संयमता अपनाएर जितको लक्ष्यसहित मैदानमा उत्रनेछौँ।’
नेपाल र युएईबिचको खेल शनिबार नेपालीसमयानुसार रातको ८:१० बजे सुरु हुनेछ।
