काठमाडौँ (हाम्रो खेलकुद ) – नेपाली यू -२३ टोलीले संयुक्त अरब ईमिरेट्स (युएई) को अल इन स्थित ताह्नोन बिन मोहम्मद रंगशालामा आज नेपाली समय अनुसार ८ बजेर १० मिनेटमा घरेलु टोली युएईको सामना गर्दै छ । एएफसी यू२३ च्याम्पियनसिपको छनोट चरण अन्तर्गतको पहिलो खेल खेल्दै गरेको नेपालले अन्य खेलहरुमा उज्बेकिस्तान र लेबनानको सामना गर्नेछ ।
प्रतियोगिता अन्तर्गतको पहिलो खेल संयुक्त राज्य ईमिरेट्सको दुबई स्पोर्ट्स टिभीले प्रतक्ष्य प्रसारण गरेपनि नेपालमा उक्त च्यानलको प्रसारण नहुने हुनाले नेपालमा रहेका समर्थकहरुले खेल अनलाइन मार्फत हेर्नु पर्ने हुनेछ ।
विभिन्न अनलाइन स्ट्रिमिङ मार्फत खेल हेर्न सकिने भएपनि हाम्रो खेलकुदको नियमित पाठकहरुको सहजताको लागि खेल समयमा दुबई स्पोर्ट्स टेलिभिजनको प्रसारण हाम्रो खेलकुदको फेसबुक पेज मार्फत पनि प्रत्यक्ष प्रसारण हुनेछ । समर्थकहरुले फेसबुकमा हाम्रो खेलकुद डट कमको पेज लाइक गरेर खेल हेर्न सक्नुहुनेछ।
