default_image

7 years ago

July 18, 2017

पूर्व राष्ट्रिय खेलाडी वसन्तको एकेडेमी खोल्ने सपना

काठमाडौं (हाम्रो खेलकुद)– पूर्व राष्ट्रिय फुटबल खेलाडी वसन्त गौचन यसपटक फरक उद्देश्यका साथ केहि दिनका लागि स्वदेश फर्केका छन् । जापानमा व्यवसायिक रुपमा फुटबल प्रशिक्षकका रुपमा काम गर्दै आएका वसन्त यसअघि उनी कार्यरत फनरुट्स एकेडेमीले आयोजना गर्ने कोपा पुमा तोरेरस कपमा नेपाली खेलाडी सम्मिलित टोलीको सहभागिताका लागि खेलाडी छनोटका क्रममा आउने गर्थे । उनको पहलमा […]

24 views

0 Bookmark

काठमाडौं (हाम्रो खेलकुद)– पूर्व राष्ट्रिय फुटबल खेलाडी वसन्त गौचन यसपटक फरक उद्देश्यका साथ केहि दिनका लागि स्वदेश फर्केका छन् । जापानमा व्यवसायिक रुपमा फुटबल प्रशिक्षकका रुपमा काम गर्दै आएका वसन्त यसअघि उनी कार्यरत फनरुट्स एकेडेमीले आयोजना गर्ने कोपा पुमा तोरेरस कपमा नेपाली खेलाडी सम्मिलित टोलीको सहभागिताका लागि खेलाडी छनोटका क्रममा आउने गर्थे ।

उनको पहलमा नेपालका खेलाडीले दुईपटक तोरेस कपमा भाग लिएर फर्किसकेका छन् । तर, यसपटक भने आफ्नो जन्मथलो पोखरामा एकेडेमी सञ्चालन गर्ने उद्देश्यका साथ सम्भाव्यता अध्ययनका लागि आएका हुन् । दुई दिन पोखरा बेसर उनी काठमाडौं फर्किसकेका छन् ।

फुटबलकै कारण चर्चा र अवसर पाएको भन्दै वसन्त बाँकी जीवन पनि फुटबलमै रहने बताउँछन् । ‘लामो समय राष्ट्रिय टोलीबाट खेले । त्यसपछि कोचिङ कोर्स गरे । अहिले जापानमा पनि फुटबल प्रशिक्षककै रुपमा कार्यरत छु,’ झन्डै एक दशक नेपाली राष्ट्रिय टोलीबाट खेलेका ३६ बर्षे उनले भने,‘ भविष्यमा नेपाल नै फर्केर काम गर्ने हो । तर त्यसको लागि अझै केही बर्ष लाग्न सक्छ । त्यसअघि नै एकेडेमी स्थापना गर्ने सोचमा म पुगेको छु । पहिलो चरणमा जन्मथलो पोखरामा खोल्ने योजना छ । राम्रो भयो भने अन्य ठाँउमा पनि विस्तार गर्न सक्छौं ।’

वसन्तको योजनामा साथ दिन र सडक बालबालिकाको विश्व कपमा सहभागी हुने नेपाली टोली तयारीमा जुटेको सेल्टर आश्रय नेपाललाई फुटबल बुट र बल हस्तान्तरण गर्न फनरुट्स एकेडेमीका अध्यक्ष जोन हिरानो नेपाल आएका छन् ।

एकेडेमीको सबै योजना सार्वजनिक गर्न नचाहेपनि वसन्तले उमेर समूहका खेलाडीहरुलाई लक्षित गरेर एकेडेमी सञ्चालन गर्ने भने करिब निश्चित भएको बताए । ‘हामी जति सक्दो छिट्टो एकेडेमी सुरु गर्ने पक्षमा छौं । हामीले पोखरामा एक दुई ठाँउ जग्गा पनि हेरिसकेका छौं । यो विषयमा जापान पुगेर थप छलफल छौं,’ लक्ष्मी हुन्डाई मनाङ मस्र्याङ्दी क्लबबाट लामो समय घरेलु फुटबलमा छाउन सफल उनले योजना सुनाए,‘नेपाल र जापानको फुटबललाई जोड्ने पुलको काम गर्नका लागि पनि हामीले एकेडेमी सुरु गर्न लागेका हौं । भविष्यमा नेपालका खेलाडीलाई जापानको एकेडेमीमा वा क्लबमा लान सक्ने वातावरण तयार पार्नु पनि हाम्रो लक्ष्य हो ।’

सन् २००९ मा एएफसी फ्युचर कोचिङ कोर्समा अवसर पाएयता वसन्त पूर्ण रुपमा प्रशिक्षणमा आबद्ध भएका छन् । २०१३ मा बी लाइसेन्स लिएका उनले युरोपमा पनि एडभान्स कोर्स गरिसकेका छन् । जापानमा झन्डै साढे दुई बर्ष स्वयम् सेवक प्रशिक्षकका रुपमा काम गरेपछि उनले व्यवसायिक प्रशिक्षकका लागि मौका पाएका थिए । पछिल्लो दुई बर्षयता उनी फनरुट्स एकेडेमीको प्रशिक्षक हुन् ।

उनले भने,‘म अहिले एकेडेमीको मुख्य प्रशिक्षक हु । स्कुुल टिमलाई पनि प्रशिक्षण दिन्छु ।’ सेल्टर नेपाललाई बल हस्तान्तरण गर्ने कार्यक्रममा फनरुट्सका अध्यक्ष हिरानोले पनि वसन्तको खुलेर प्रसंसा गरे । ‘बसन्त निकै स्तरीय प्रशिक्षक हुन्,’ उनले भने,‘त्यसकारण उनी हाम्रो एकेडेमीको मुख्य जिम्मेवारीमा छन् ।’

ए लाइसेन्स कोचिङ कोर्स पुरा गर्ने योजनामा रहेका वसन्त पछि भने स्वदेश नै फर्कने बताउँछन् । ‘खेल्ने समयमा खेलियो । अब आफुलाई राम्रो प्रशिक्षकमा रुपमा स्थापित गर्न एकचरणका कोर्स पुरा भयो । अब अर्को कोर्स गर्ने चाहना छ,’ काठमाडौंमा १९९९ मा भएको आठौं दक्षिण एसियाली खेलकुदमा उत्कृष्ट खेलाडी घोषित उनले भने,‘तत्काल नेपाल फर्कने योजना छैन । तर भविष्यमा त आफ्नै देश फर्कने र यहाँको फुटबल विकासमा जुट्ने नै हो । स्वदेश फर्कनुअघि फुटबलमा अझै केहि सिकौं भन्ने छ । प्रशिक्षण मात्र होइन व्यवस्थापन पनि हामीले सिक्न त्यत्तिकै आवश्यक छ ।’

अहिले नेपाली फुटबलबाट अलग्गै जस्तो देखिएपनि भविष्यमा नेपाली फुटबलको युवा टोलीलाई प्रशिक्षण दिने आफ्नो सपना रहेको पनि वसन्तले लुकाएनन् । ‘मैले जति पनि जान्ने र सिक्ने अवसर पाए । अन्तमा त्यो नेपाली फुटबलका लागि नै फाइदा हो । हामी जहाँ रहेपनि देशको फुटबल प्रतिको माया हुन्छ नै,’ उनले सुनाए,‘ कुनै दिन नेपालीको युवा परियोजना हेर्ने अवसर पाए भने म त्यो काम पक्कै गर्नेछु ।’

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.