काठमाडौँ (हाम्रो खेलकुद ) – एएफसी यू२३ च्याम्पियनसिपको छनोट चरण अन्तर्गतको तेस्रो तथा अन्तिम खेलमा नेपालले लेबनानको सामाना गर्दैछ। पहिलो दुइ खेलमा पराजय भोगेको नेपाललाई बुधबारको खेलमा प्रतियोगितामा सुखद अन्त्य गर्ने अवसर मिल्नेछ।
पहिलो खेलमा युएईसँग ५-० ले पराजित नेपाली टोलीले दोस्रो खेलमा सुधारिएको प्रदर्शन गरेपनि ताजिकिस्तानसँग २-० ले हार व्येहोरेको थियो। यसअघीको दुवै खेल गुमाएको लेबनानपनि अन्तिम खेलमा जितको खोजीमा हुनेछ । पहिलो खेलमा उज्बेकिस्तानसँग ३-१ ले हारेको लेबनानले दोस्रो खेलको अन्तिम समयमा पेनाल्टी मार्फत गोल खादै १-० को हारमा चित्त बुझाएको थियो ।
पहिले दुई खेलमा नेपाली समयानुसार रातीको ८:१० मा खेलेको टोलीले अन्तिम खेल रातीको ११ बजे खेल्नेछ । बुधबारको पहिलो खेलमा आयोजक युएईले उज्बेकिस्तानको सामना गर्नेछ।
खेलको जानकारी – युएई यू२३ विरुद्ध नेपाल यू२३
खेल हुने मिति – २०७४ श्रावण ४ गते, बुधबार
खेल समय – नेपाली समय अनुसार बेलुकी ११ बजे सुरु हुने (स्थानीय समय : ८ : २५ )
खेल मैदान – युएईको अल इन स्थित ताह्नोन बिन मोहम्मद रंगशाला
लाइभ कसरि हेर्ने – हाम्रो खेलकुदको फेसबुक पेजमा लाइभ आउने
