काठमाडौँ (हाम्रो खेलकुद) – एएफसी यू२३ च्याम्पियनसिपको छनोट चरण अन्तर्गत नेपालले आज समूह चरणको अन्तिम खेल खेल्दै छ। दुवै खेलमा पराजित भएको नेपाली टोलीले शुन्य अंक रहेको अर्को टोली लेबनानसँग अन्तिम खेल खेल्दैछ।
लेबनानविरुद्धको खेलमा पछिल्लो २ खेलमा पहेंलो कार्ड पाएका कारण फरवार्ड अन्जन बिष्ट उपलब्ध नभएपछि प्रशिक्षक राजु काजी शाक्यले उनको स्थानमा सन्जोग राईलाई सुरुवाती ११मा उतारेका छन्।
डिफेन्समा अनन्त तामाङ र गौरब बुढाथोकीलाई कमल श्रेष्ठ र दिनेश राजवंशीले साथ दिनेछन्। मिडफिल्डमा विश्वास श्रेष्ठ र सुनिल बल विङ्गरका रुपमा खेल्नेछन् भने हेमन गुरुङ र सुमन लामा सेन्टर मिडफिल्डमा रहनेछन्। आक्रमणमा कप्तान विमल घर्ती मगरसँग सन्जोग राइ रहनेछन्।
सुरुवाती ११:
एलन न्यौपाने
दिनेश राजवंशी – अनन्त तामाङ – गौरब बुढाथोकी – कमल श्रेष्ठ
सुनिल बल – सुमन लामा – हेमन गुरुङ – विश्वास श्रेष्ठ
सन्जोग राइ – विमल घर्ति मगर (कप्तान)
