काठमाडौँ (हाम्रो खेलकुद) – एएफसी यू२३ च्याम्पियनसिपको छनोट चरण खेल्न संयुक्त अरब ईमिरेट्स (युएई)को अल आइनसहर पुगेको नेपाली राष्ट्रिय यू२३ फुटबल टोली स्वदेश फर्किएको छ।
फाइल तस्बिर
फ्लाई दुबईको जहाजबाट साँझ ६:२८ बजे टोली नेपाल आइपुगेको हो। नेपाली टोलीले युएईमा भएको छनोट चरणको प्रतियोगितामा सबै ३ खेलमा पराजय भोगेको थियो। यस नतिजासँगै नेपाल समूहको अंक तालिकाको अन्तिम स्थानमा रहँदै अन्तिम चरणमा पुग्न असफल रह्यो।
नेपालको समूहबाट तिनै खेलमा जित हासिल गरेको उज्वेकिस्तान शीर्ष स्थानमा रहँदै छनोट भयो भने दोश्रो स्थानमा रहेको युएई अन्य समूहको नतिजाको पर्खाइमा छ।
