स्पेन (एजेन्सी) – स्पेनिस ला लिगामा बार्सिलोना र रियल म्याड्रिड पहिलो पटक डिसेम्बरमा आमने-सामने हुने भएका छन् । शुक्रबार सार्वजनिक भएको खेल तालिका अनुसार बार्सिलोनाले डिसेम्बर २० मा रियलको घरेलु मैदनमा साविक विजेताको सामना गर्नेछ ।
लिग बिजेता रियल म्याड्रिडले डिपोर्टिभो ला कोरुना को घरेलु मैदानमा सिजनको पहिलो खेल खेल्नेछ भने बार्सिलोनाले नोउ क्याम्पमा रियल बेटिसको सामना गर्दै सिजनको प्रारम्भ गर्नेछ ।
घरेलु मैदानको मर्मतकालागि समयानुकुल पार्दै एथ्लेटिको म्याड्रिड र भिल्लारियलले सिजनको पहिलो दुइ खेल ‘अवे’ मैदानमा खेल्नेछ । ५१ वर्ष यताको घरेलु मैदान भिसेन्टे क्याल्डेरनलाई त्यग्दै एथ्लेटिको ७०,००० क्षमता युक्त वान्ड्रा मेट्रोपोलिटानोमा आफ्नु घरेलु खेलहरु आयोजना गर्दैछ ।
पहिलो दिनका खेलहरु :
एथलेटिक बिल्बाओ – गेटाफे
बार्सिलोना – रियल बेटिस
सेल्टा भिगो – रियल सोसिडाड
डिपोर्टिभो ला कोरुना – रियल म्याड्रिड
गिरोना – एथलेटिको म्याड्रिड
लेगानेस – अलाभेस
मालागा – ऐबार
सेभिल्ला – इस्प्यानोल
भ्यालेन्सिया – लास पाल्मास
भिल्लारियल – लेभान्टे
