एजेन्सी – आर्सनलका सुपरस्टार विङ्गर एलेक्सिस स्यान्चेज फ्रान्सेली क्लब पेरिस सेन्ट जर्मेन (पिएसजी)सँग सम्झौता गर्न पेरिस पुगेका छन्। आर्सनल छाडेर पिएसजी जाने लगभग पक्का भइसकेको अवस्थामा उनि आफ्नो व्यक्तिगत सर्तहरु बारे छलफल गर्न त्यहाँ पुगेका हुन्।
गत सिजनको अन्त्यसँगै स्यान्चेज आर्सनलमा रहेन वा नरहने भन्ने बारे निकै चर्चा भएपनि अझसम्म उनि प्रशिक्षणमा सामेल नभएकोले उनले क्लब छाड्ने लगभग पक्का भएको बुझिएको हो। म्यानचेस्टर सिटिले पनि स्यान्चेजलाई क्लबमा भित्र्याउने प्रयास गरेको थियो। तर, पिएसजीको प्रस्ताव क्लबले स्वीकार गर्ने बुझिएपछी स्यान्चेज पेरिसको रोयल मोन्केउ होटलमा व्यक्तिगत सम्झौता गर्न पुगेका थिए।
प्रतिष्ठित फ्रेन्च मिडिया क्यानलका अनुसार चिलीका राष्ट्रिय टोलीका सदस्य समेत रहेका २८ वर्षीय स्यान्चेजलाई भित्र्याउन पिएसजीले ४५ मिलियन पाउण्ड खर्चने बुझिएको छ। यद्दपी आर्सनलले औपचारिक रुपमा यसबारे केहि जानकारी दिएको छैन। स्यान्चेजले गत सिजनबाट नै आर्सनल खोज्न चाहेको बुझिएको थियो।
