न्यू जर्सी (एजेन्सी) – गत सिजन च्याम्पियन्स लिगको अन्तिम १६ मा आमने-सामने भएका बार्सिलोना र युभेन्टस प्रि-सिजनमा इन्टरनेसनल च्याम्पियन्स कपमा भिड्दै छन् ।
२०१३ बाट सुरु मैत्रीपूर्ण मानिएको इन्टरनेसनल च्याम्पियन्स कपले युरोप बाहिरका समर्थकहरुलाई ठूला क्लबहरु खेलेको अनुभव दिने गरेको छ । यस पटक चिन , सिंगापुर र अमेरिकामा हुने कप अन्तर्गत अमेरिकामा भने बार्सिलोना , युभेन्टस , रियल म्याड्रिड , म्यानचेस्टर सिटी र युनाइटेड लगायात पिएसजी , रोमा र टोटेनह्याम खेल्दै छन् ।
युभेन्टस र बार्सिलोना दुवै आफ्नो पहिलो खेल खेल्दैछन । यसअघि पिएसजीले रोमालाई र युनाइटेडले सिटीलाई पराजित गरि सकेको छ ।
अमेरिकामा हुने खेल स्थानीय समय अनुसार जुलाई २२ को साझ ६ बजे सुरु हुनेछ , जुन नेपाली समयानुसार जुलाई २३ बिहान ३ : ४५ हो । नेपालमा खेलको प्रतक्ष्य प्रसारण टेन २ ले गर्नेछ ।
जानकारी
खेल : युभेन्टस – बार्सिलोना
नपाली समय : जुलाई २३ बिहान ३:४५
प्रतक्ष्य : टेन २
बार्सिलोनाको अन्य प्रि-सिजन खेल तालिका नेपाली समयमा हेर्न यहाँ थिच्नुहोस ।
