काठमाडौँ (हाम्रो खेलकुद) – इन्डोनेसियाको लिग १ अन्तर्गत शनिबारको खेलमा नेपाली राष्ट्रिय फुटबल टोलीका मिडफिल्डर रोहित चन्द सम्मिलित पर्सिजा जकार्ताले पर्सिब बान्डुङसँग १-१को बराबरी खेलेको छ।
खेलको १५औं मिनेटमा घरेलु टोली पर्सिबले अहमद जुफ्रीयान्टोको गोलसँगै अग्रता लिएको थियो। तर, १९औं मिनेटमा रोहितको पासको सदुपयोग गर्दै रामदानी लेस्तालुहूले बराबरी गोल फर्काएका थिए। खेलको ६६औं मिनेटमा पर्सिजाका सान्दीले दोहोरो पहेंलो कार्ड पाएपछि पर्सिजा १० खेलाडीमा सिमित भएको थियो।
यस बराबरीसँगै रोहितको टोलीको १६ खेलमा २५ अंक भएको छ। ६ जित, ७ बराबरी र ३ हारसँगै टोली अंक तालिकाको पाँचौ स्थानमा रहेको छ। शीर्ष स्थानमा रहेको भायाङकाराको ३० अंक रहेको छ।
