default_image

7 years ago

July 23, 2017

डे हेयालाई कुनै हालतमा नबेच्ने मोउरिन्होको ग्यारेन्टी

30 views

0 Bookmark

क्यालिफोर्निया (एजेन्सी)– स्पेनिस राष्ट्रिय फुटबल टोली एवं म्यानचेस्टर युनाइटेडका पहिलो रोजाईका गोलरक्षक डेविड डे हेयाले यो सिजन कुनै हालतमा युनाइटेड नछाड्ने क्लबका प्रशिक्षक जोसे मोउरिन्होले दाबी गरेका छन् । रियल म्याड्रिडले डे हेयालाई भित्राउन ट्रान्सफरको प्रस्ताव गर्ने तयारी गरिरहेको हल्लाकाबीच उनको यस्तो भनाई आएको हो । 

दुई वर्ष अघि युनाइटेडले रियलको २९ मिलियन पाउण्डको प्रस्ताव स्वीकारे पनि अन्तिम समयमा ढिला कागजपत्र पुगेका कारण ट्रान्सफर हुन सकेन । त्यसपछि डे हेयाले युनाइटेडमा नयाँ सम्झौता गरिसकेका छन् । मोउरिन्होले डे हेया यो सिजन मात्र नभएर लामो समयसम्म युनाइटेडमै रहने पक्का रहेको विश्वास व्यक्त गरे ।

‘म ग्यारेन्टी दिन्छु कि डे हेया यस सिजन कतै जाने छैनन् । मलाई लाग्छ कि उनलाई यो क्लब छाडेर जान निकै गार्हो हुनेछ । उनी निकै इमान्दार र सज्जन व्यक्ति हुन्,’ माउरिन्होले भने, ‘उनलाई मैले लामो समयदेखि नजिकबाट नियालिरहेको छु । म उनको प्रदर्शनदेखि निकै खुसी छु र उनी पनि क्लबमा खुसी छन् । उनी हरेक दिन प्रशिक्षणमा ध्यान दिइरहेका हुन्छन् । मैले यसलाई उनी लामो समय क्लबमै बस्ने संकेतका रुपमा लिएको छु । ’

गत साता युनाइटेडले दोश्रो रोजाईको गोलरक्षक सर्जियो रोमेरोलाई ४ वर्षे नयाँ सम्झौतामा सहमति गरेसँगै डे हेयालाई प्रदर्शनमा थप सुधार गर्न दबाब परेको माउरिन्हाले बताए । उनले भने, ‘सर्जियोले पनि प्रदर्शनमा सुधार गरेका छन् । एक अर्कालाई राम्रो बनाउँदा क्लबलाई फाइदा हुने दुवैलाई थाहा छ । यो हाम्रो लागि यो निकै सुखद खबर हो । ’

रियल र युनाइटेडबीच २ साताको बीचमा २ पटक एक आपसमा खेल्दैछन् । आइतबार हुने मैत्रीपूर्ण खेलपछि टोली युइएफए सुपर कपको उपाधिका लागि पनि भिड्नेछन् ।

May 19, 2024

प्रिमियर लिग विजेताको छिनोफानो आज

एजेन्सी – इंग्लिश प्रिमियर लिग २०२३/२४ सिजनको विजेताको टुंगो आज लाग्दैछ । पछिल्लो तीन सिजनको विजेता म्यानचेस्टर सिटी र आर्सनल मध्य एक टोलीले आज लिग उपाधि उचाल्ने छ । लिग लिडर सिटीले आज ८:४५ बजे वेस्ट ह्यामसँग अन्तिम खेल खेल्दैछ । सोही समयमा दोस्रो स्थानमा रहेको आर्सनलले एभर्टनसँग खेल्दैछ । सिटीले आफु अनुकुल नतिजा निकाल्न […]

May 18, 2024

काठमाडौंलाई गोदावरी मेयर कप फुटबल उपाधि

ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]

May 18, 2024

पूर्वेली रातो दुर्गादेवी श्रेष्ठ स्मृति भेट्रान्सको फाइनलमा

हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]

Success

Thank you for your time.