एजेन्सी – नयाँ सिजनको तयारीमा अमेरिका रहेका दुई ठुला युरोपियन टोली रियल म्याड्रिड र म्यानचेस्टर युनाइटेड आमने सामने हुँदैछन्। आइतबार राती हुने खेलमा युनाइटेड आफ्नो जितको श्रृंखलालाई कायम राख्ने सुरमा हुनेछ।
पछिल्लो खेलमा म्यानचेस्टर सिटिलाई २-०ले पराजित गरेको युनाइटेडले त्यसअघिका खेलमा एमएलएसका क्लबहरु लस एन्जेलस ग्यालेक्सी र रियल साल्ट लेकसँग जित हात पारेको थियो। रियलले भने प्रि सिजनको पहिलो खेल खेल्दैछ।
रियलका लागि युवा र अनुभवी टोलीको सम्मिश्रण लिएर प्रशिक्षक जिनेदिन जिदान केहि दिनअघि अमेरिका पुगिसकेका छन्। यद्दपी रियलका स्टार खेलाडी क्रिस्टियानो रोनाल्डोसँगै युवा खेलाडी मार्को एसेन्सियो टोलीमा सामेल छैनन्। म्यानचेस्टर युनाइटेडका लागि भने सबै खेलाडीहरु छनोटका लागि उपलब्ध रहेका छन्।
खेलको जानकारी:
खेल हुने नेपाली समय: सोमबार बिहान २:४५ बजे
स्थान: लिभाइज स्टेडियम, संयुक्त राज्य अमेरिका (युएसए)
खेलको प्रत्यक्ष प्रसारण सोनी लिभ र टेन २मा हुनेछ।
