default_image

7 years ago

July 30, 2017

एन्फाको राष्ट्रपति महिला लिग पनि स्थगित

सुबास हुमागाईं काठमाडौँ  – अखिल नेपाल फुटबल संघले यहि साउन महिनाको दोश्रो साताबाट सुरु गर्ने भनिएको प्रथम राष्ट्रपति महिला लिग फुटबल प्रतियोगिता स्थगित भएको छ। एन्फाले यसअघि तीन विभागबाट २/२ टोली गरेर ६ टोलीको होम र अवे पद्दतिमा प्रथम राष्ट्रपति महिला लिग खेलाउने अवधारणा सार्वजनिक गरेको थियो। एन्फाका प्रमुख कार्यकारी अधिकृत (सीइओ) एवं प्रवक्ता इन्द्रमान […]

47 views

0 Bookmark

सुबास हुमागाईं

काठमाडौँ  – अखिल नेपाल फुटबल संघले यहि साउन महिनाको दोश्रो साताबाट सुरु गर्ने भनिएको प्रथम राष्ट्रपति महिला लिग फुटबल प्रतियोगिता स्थगित भएको छ। एन्फाले यसअघि तीन विभागबाट २/२ टोली गरेर ६ टोलीको होम र अवे पद्दतिमा प्रथम राष्ट्रपति महिला लिग खेलाउने अवधारणा सार्वजनिक गरेको थियो।

एन्फा अध्यक्ष नरेन्द्र श्रेष्ठ (फाइल तस्बिर)

एन्फाका प्रमुख कार्यकारी अधिकृत (सीइओ) एवं प्रवक्ता इन्द्रमान तुलाधरले प्रतियोगिता स्थगित भएको जानकारी हाम्रो खेलकुद डट कमलाई दिए। ‘हामीले साउन महिनाको दोश्रो सातादेखि गर्ने लक्ष्य लिएका थियौं तर विविध कारणले गर्दा उक्त लिग दशैं-तिहारपछि मात्र सम्भव हुने भएको छ।’

एन्फाले यसअघि जेठको दोश्रो सातामा २८ जिल्ला समेटेर एन्फा महिला लिग संचालन गरेर त्यसबाट ४४ उत्कृष्ट खेलाडीलाई विशेष प्रशिक्षणमा सामेल गराएको थियो। उक्त प्रशिक्षणबाट ३० जना उत्कृष्ट खेलाडी छनोट गरेर विभागलाई दिने र त्यसैबाट प्रत्यक विभागका २/२ टोली सम्मिलित गरि ६ टोलीको डबल राउण्ड रोबिन लिग गराउने कार्यक्रम रहेको थियो।

तर, विभागबाट सुरुवातमा सहमति भएपनि पछि केहि कठिनाइ आएको प्रवक्ता तुलाधरले बताए। ‘हामीले जेठको प्रतियोगिता गर्नुअघि सबै विभागसँग सहमति गरेका थियौं। तर अहिले खेलाडीहरु छनोट गरेर प्रशिक्षणमा सामेल भइसकेपछि भने केहि विभागले खेलाडी राख्न असमर्थ रहेको बताए। त्यसकारण सोमबार सबै खेलाडी घर फर्कंदै छन्।’

एन्फा सीइओ इन्द्रमान तुलाधर (फाइल तस्बिर)

४४ जना खेलाडीलाई प्रशिक्षणमा बोलाइएकोमा ३६ खेलाडी सुरुवातदेखि प्रशिक्षणमा सहभागी भएका थिए। एन्फाले प्रशिक्षक अरुण गुरुङ र अस्मिता खवासलाई जिम्मेवारी सुम्पेर विगत ३ सातायता दशरथ रंगशालामा प्रशिक्षण संचालन गर्दै आएको थियो।

तुलाधरले अब उक्त लिग दशैंपछि मात्र गर्न सम्भव हुने बताए। ‘एन्फाले दशैंपछि पुन: एकपटक विभागहरुसँग छलफल गरेर सोहि अनुसार लिग गर्न प्रयास गर्नेछ। यदि विभागहरु सहमत नभएको खण्डमा एन्फा आफैंले प्रशिक्षणमा रहेका खेलाडीबाट टोली बनाएर लिग संचालन गर्ने सम्भावना पनि छ। यस विषयमा अहिले केहि टुङ्गो लागेको छैन। हामी फेरी बैठक बसेर यसबारे निर्णय लिनेछौँ।’

पुरुषको लिग बारम्बार स्थगित भइरहेको अवस्थामा महिला लिग पनि हुन नसक्नुले घरेल फुटबलको गतिविधि शुन्यप्राय छ। यद्दपी एन्फाले उमेर समुहको अन्तर्राष्ट्रिय प्रतियोगिताहरुमा भने लगातार सहभागिता जनाइरहेको छ। एसियन कप छनोट चरण अन्तर्गत ताजिकिस्तान विरुद्धको खेलका लागि पुरुष राष्ट्रिय टोलीको प्रशिक्षण पनि निरन्तर जारी छ भने महिला राष्ट्रिय टोलीले पनि साताको २ पटक प्रशिक्षण गरिरहेको छ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.