ओस्लो (एजेन्सी)– प्रि सिजनमा अमेरिका भ्रमणको अन्तिम खेल गुमाएको म्यानचेस्टर युनाइटेडले गएराती मैत्रीपूर्ण खेलमा भालेरेन्गालाई हराएको ३–० ले हराएको छ ।
पहिलो हाफमा माराउने फिलानीले हेड गोलमार्फत अग्रता दिलाएको खेलमा रोमेलु लुकाकु र स्कट म्याकटोमेनेले गोल गरेका थिए । इन्टरनेसनल च्याम्पियन्स कपमा बिहीबार युनाइटेड बार्सिलोनासँग पराजित भएको थियो ।
टर्की गालातासारे जाने चर्चाका बीच २९ वर्षे फिलानी आइबारको खेलमा पहिलो रोजाइमा परेका थिए । युनाइटेडले नेमान्जा माटिकलाई भित्राउने लगभग पक्का भएपछि फिलानी नर्वे जाने चर्चा चलेको छ ।
तुलानात्मक रुपमा बलियो मानिएको युनाइटेडले सुरुवातदेखि खेलमा नियन्त्रण बनाएको थियो । ४४ औं मिनेटमा हेनरिक माखातारियनको क्रसमा बेल्जियन फिलानीले हेडमार्फत गोल गरेका थिए ।
प्रशिक्षक जोसे माउरिन्होले दोस्रो हाफमा ९ खेलाडी परिवर्तन गरे । दोस्रो हाफको दोस्रो मिनेटमा युनाइटेडका लागि लुकाकुले गोल गरे । कर्नरमा आएको बलमा लुकाकुले हेडमार्फत गोल गरे । ७० औं मिनेटमा म्याकटोमेने सिनियर टोलीका लागि पहिलो पटक गोल गरे ।
युनाइटेडले बुधबार साम्पडोरियासँग प्रिसिजनको अन्तिम खेल खेल्नेछ । त्यसपछि टोलीले अगस्ट ८ मा रियल म्याड्रिडसँग युइएफए सुप कप खेल्दै सिजनको सुरुवात गर्नेछ ।
सोमबार ११ :२३ सम्पादन गरिएको
